Татарстан Росреестры: күчемсез милекне теркәү өчен документларны яңадан КФҮкә тапшырырга мөмкин

Шулай итеп, 13 апрельдән башлап, Татарстанның КФҮ офисларында алдан язылу буенча, хокукларны теркәү һәм кадастр исәбенә алу, ЕГРНнан белешмәләр бирү, шулай ук өстәмә документлар тапшырырга мөмкин.

Татарстан Республикасы буенча Росреестр идарәсе җитәкчесе урынбасары вазыйфаларын башкаручы Людмила Кулагина аңлатканча, бу күчемсез милеккә карата исәп-теркәү эшләре туктатылган очракта, гариза бирүчегә җиткерергә тиешле документлар булырга мөмкин. Яки, мәсәлән, гражданинның күчемсез милек белән алыш-бирешләрне электрон имза ярдәмендә үткәрүгә язма ризалыгы:

"Билгеле булганча, дистанцион алыш-бирешләрне үткәрү өчен милекче, ЕГРНга тиешле язманы кертү өчен гариза биреп, үз ризалыгын белдерергә тиеш. Моны КФҮ аша кәгазь гариза биреп эшләргә була. Бердәм дәүләт реестрында электрон алыш-бирешләрне махсус тамгадан башка тыю, документларны күчемсез милек хуҗасының ышанычлы заты биргән очракта да, хокукны читләштерүгә теләсә нинди электрон документларны автомат рәвештә кире кагарга мөмкинлек бирә», - дип искә төшерде Людмила Кулагина.

Игътибар өчен:

Күчемсез милек белән электрон рәвештә алыш-бирешләрне үткәрү өчен бердәм дәүләт реестрында махсус билге таләп ителмәгән очраклар: әгәр документлар Федераль кадастр палатасы тарафыннан бирелгән электрон имза белән расланса; килешү нотариуслар һәм хакимият органнары катнашында үткәрелә; әгәр документларның электрон пакетын кредит оешмасы тапшырса.

Шулай ук Людмила Кулагина билгеләп үткәнчә, Татарстан Республикасы буенча Росреестр Идарәсе күчемсез милек белән алыш-бирешләрне электрон рәвештә теркәү өчен документлар кабул итүне дәвам итә. Ведомствоның барлык төп хезмәтләре һәм сервислары Росреестрның рәсми сайтында, шул исәптән күчемсез милек объектларының кадастр исәбен алу, милек хокукын теркәү, күчемсез милекнең Бердәм дәүләт реестрыннан белешмәләр һәм өземтәләр алу, күчемсез милек объектлары буенча белешмә мәгълүмат, ЕГРНнан өземтәләрне тикшерү сервисы һ. б. бар.

“Хәзерге вакытта, яңа коронавирус инфекциясе таралу белән бәйле эпидемиологик ситуациягә карамастан, Татарстан Росреестры штат режимында эшли, хокукларны дәүләт теркәве һәм кадастр исәбенә кую закон нигезендә билгеләнгән срокларда гамәлгә ашырыла. Килешүне теркәгәндә бернинди өзеклекләр дә теркәлмәгән", - дип ассызыклады Людмила Кулагина.

Белешмә

КФҮкә Росреестр хезмәтләре алу өчен кирәкле документларны бирү яки әзер документларны алу өчен алдан кабул итүгә язылырга кирәк. Моны ТР Дәүләт хезмәтләре Порталында, шулай ук КФҮ колл-үзәгендә 8(843) 222-06-20 телефоны буенча эшләргә мөмкин.

Гражданнарда күчемсез милекне рәсмиләштерү белән бәйле сораулар туа икән, алар Росреестрның Татарстан Республикасы буенча Идарәсенең рәсми сайтында күрсәтелгән телефоннар буенча дистанцион консультацияләрдән файдалана алалар -rosreestr.tatarstan.ru- “Гражданнар мөрәҗәгатьләре” бүлегендә. Моннан тыш, Татарстан Республикасы буенча Росреестр идарәсендә махсус кайнар линия эшли башлады, гражданнар күчемсез милекне дәүләт теркәвенә алу туктатылган очракта, аларга нәрсә эшләргә кирәклеген һәм сәбәпләрен белә алачаклар. Әлеге кайнар линия дүшәмбедән пәнҗешәмбегә кадәр - 8.00 дән 12.00 гә кадәр һәм 13.00 дән 17.00 гә кадәр, җомга көннәрендә 8.00 дән 12.00 гә кадәр һәм 13тән 15.45 кә кадәр эшли. Шулай ук гражданнарның мөрәҗәгатьләре почта юлламасы

һәм электрон почта аша кабул ителә. Элеккечә үк күчемсез милекне рәсмиләштерү белән бәйле барлык сораулар буенча консультация алырга Росреестрның 8(800) 100-34-34 колл-үзәге телефоныннан бердәм түләүсез белешмә телефоны буенча шалтыратырга мөмкин.