Бүген якташыбызга 120 яшь
Чын исеме - Гәбдәлхак Җәләлетдин улы Шаһиәхмәтовның (1900 елның 14 апреле – 1939 елның 16 июне). Сембер губернасы Буа өязе (хәзер Татарстанның Буа районы) Адав-Толымбай авылында туган. Татар язучысы, мөхәррир, әдәби тәнкыйтьче, әдәбият белгече, фольклорчы, педагог, профессор. 1912 елда Буа мәдрәсәсен тәмамлый. 1917 елның февралендә Петроградта була.Туган ягына кайткач, җирле крестьяннар белән берлектә алпавытларга каршы көрәштә катнаша. 1918 елдан туган авылында укыта. Шул вакытта ул шагыйрь буларак таныла. Гражданнар сугышы ветераны. «Безнең юл» журналы белән хезмәттәшлек итә. Агитация характерындагы мәкаләләр һәм сәнгать әсәрләре бастыра. 1920 елларда татар әдәби оешмалары җитәкчеләренең берсе. 1924-1927 елларда Гомәр Толымбай Татар коммунистлар университетында укый, «Гажур» нәшрияты редакторы урынбасары, аннан «Крестьянин» газетасы редакторы булып эшли. Казанда Көнчыгыш педагогика институтында фәнни эш алып бара. 1934 елда Мәскәүдә әдәби институтны тәмамлый. Казан педагогика институтында (Хәзерге татар дәүләт гуманитар-педагогика университеты) укыта, Татар китап
нәшриятының сәнгать әдәбияты редакциясе белән җитәкчелек итә. 1939 елда репрессияләнә, үлгәннән соң реабилитацияләнә. 30 китап: хикәяләр, очерклар, язмалар, шигырьләр, публицистик һәм тәнкыйть мәкаләләре, әдәбият мәсьәләләре буенча тикшеренүләр җыентыклары авторы. Әсәрләрнең төп темасы: татар авылы, крестьяннар тормышы, аларның иреге һәм җир өчен көрәш. Фольклор җыя. 1936 елда ул язган «Хәерче һәм Юха», «Хәйләкәр кыз, хәерчеләнгән бай һәм мулла малае», «Балыкчы һәм Ифрит», «Батыр егет» һ. б. халык әкиятләрен бастыра.