Гаиләләр өч яшькә кадәрге балалар өчен 5 мең сум акча алачаклар
Россия Пенсия фондының Татарстан Республикасы буенча бүлеге хәбәр иткәнчә, Россия Федерациясе Президентының 2020 елның 7 апрелендәге 249 номерлы Указы нигезендә, ана капиталы алу хокукына ия булган Россия гаиләләренә апрель-июнь айларында 5 мең сум күләмендә айлык түләү билгеләнә, ул өч яшькә кадәрге һәр балага биреләчәк.
Агымдагы елның 1 июленә кадәр ана капиталы алу хокукына ия булган барлык гаиләләргә, шул исәптән, сертификат буенча акчалар тулысынча тотылса да, түләү каралган.
Эпидемиологик хәлгә бәйле рәвештә гаиләләргә өстәмә финанс ярдәме федераль бюджеттан бирелә, ул ана капиталы күләмен киметми һәм
башка социаль ярдәм чараларына хокукны билгеләгәндә гаилә керемнәрендә исәпкә алынмый.
Татарстан Пенсия фонды идарәчесе Эдуард Вафин сүзләренә караганда, фондның территориаль органнары, мөмкин булган очракта, гаиләгә түләү хокукы турында шәхсән хәбәр итәчәк. "Өч яшькә кадәрге балалар өчен акчаны Татарстанның 85 меңнән артык гаиләсе ала алачак, – дип билгеләп үтте Россия Пенсия фонды башлыгы. - Гаилә карамагында, акча сорап мөрәҗәгать итү өчен алты айга якын вакыт бар. Пенсия фонды 1 октябрьгә кадәр гаризалар кабул итүне тәэмин итәчәк һәм гаиләнең тиешле хокукы булган очракта апрель-июнь айлары өчен түләүләр бирәчәк". Акча алу өчен gosuslugi.ru. яисә es.pfrf.ru порталында шәхси кабинетта гариза бирү дә җитә. Сертификат хуҗасына башка бернинди өстәмә документлар да тапшырырга кирәкми-РПФ кирәк булган очракта барлык мәгълүматларны мөстәкыйль рәвештә соратып ала.
Исегезгә төшерәбез, коронавирус инфекциясе таралуны кисәтү чаралары белән бәйле рәвештә, хәзерге вакытта РПФга алдан язылу буенча гына мөрәҗәгать итәргә мөмкин. Клиент хезмәтенә керү датасын һәм вакытын электрон сервис аша, шулай ук сайттагы «төбәк контактлары / бүлек структуралары» бүлегендә күрсәтелгән РПФ идарәләренең телефон номерлары буенча билгеләргә мөмкин.
Гаиләләргә түләүләр мисаллары
1. . Ике баласы булган гаилә: беренчесенә ике яшь тулды, икенчесе 2020 елның гыйнварында туган. Түләү өчен гариза апрель аенда бирелгән. Һәр ай саен апрельдән июнь аена кадәр гаилә ике балага 5әр мең сум акча алачак. Тулаем алганда, өч ай өчен 30 мең сум.
2. . Ике баласы булган гаилә: беренчесенә ике яшь тулды, икенчесе 2020 елның гыйнварында туган. Түләү өчен гариза 2020 елның сентябрендә бирелгән. Гаилә сентябрь аенда бер тапкыр 30 мең
сум алачак.
3. Өч балалы гаилә: Кече балалар 2020 елның гыйнварында туган, 2020 елның май аенда олысына өч яшь тула. Түләү өчен гариза апрель аенда бирелгән. Апрель һәм май айларында гаилә – 15әр мең сум (һәр өч балага 5әр мең сум), июньдә өч яше тулмаган ике бала өчен 10 мең сум акча алачак. Өч ай өчен барлыгы 40 мең сум.
4. Гаиләдә 2020 елның маенда туган бер бала. Гариза август аенда бирелде. Гаилә августта бер тапкыр 10 мең сум алачак: май аеннан башлап һәр ай өчен 5 әр мең сум.
#Пенсия фонды #Буа шәһәре #Без Сезнең өчен эшлибез!
Р буенча РПФ бүлекчәсе Контакт-үзәге (843)279-27-27
Р Буа шәһәрендә Пенсия фонды (районара) 8(84374)3-56-84