Росреестр “ачкыч” бирә

Күчемсез мөлкәт объектларына теркәлгән хокуклар турында мәгълүматлар базасына. Росреестрның ТР буенча идарәсе шул рәвешле “Мәгълүмати ресурска запрос” яңа хезмәт күрсәтүне башлады. 

Анда күчемсез объектлар буенча белешмә мәгълүматны online режимында белергә була. Әлеге мәгълүматны www.rosreestr.ru Росреестр порталының  электрон хезмәт күрсәтүләр бүлегендә алырга мөмкин. Асылда бу федераль мәгълүмат ресурсына бердәм керү мөмкинлеге, ләкин гомуми керергә яраклы мәгълүматларны гына алырга була. Аңа керергә махсус “ачкыч”ны махсус исәпне тулыландырганнан соң активлаштырырга мөмкин. Кулланучы күчемсез мөлкәт объектын бирелгән критерийлар буенча эзли, мәгълүматны күчерә, шулай ук сайланган объектлар буенча мәгълүматлар үзгәрешен күзәтә ала. Мисал өчен, җир участогының кадастр номеры буенча, яңа ресурс ярдәмендә аның адресын, мәйданын, кишәрлекнең категориясен, аңа теркәлгән хокукны шулай ук әлеге объектка арест, башка чикләүләр салынмаганмы икәнлеген белергә була. Андый мәгълүматлы сатып алучы “проблемалы” күчемсез мөлкәткә якын килергәме-юкмы икәнен үзе уйлаячак. Шул рәвешле яңалык гражданнар әйләнешендә катнашучылар өчен, һичшиксез, файдалы. Гамәлдәге хокуклы, потенциаль хуҗа кебек үк, күчемсез мөлкәт объекты турында оператив мәгълүматлы була, ә залог алучы залог предметы язмышын күзәтә ала. Росреестр, үз чиратында ЕГРП мәгълүматларына дистанцияле керүнең бары тик билгеләнү буенча гына башкарылачагын гарантияли. 

Шул ук вакытта күчемсез мөлкәт объектлары буенча белешмә мәгълүматны карау түләүсез, кулланучы аны кызыксындырган объект буенча тәфсиллерәк мәгълүмат бирүне сораганда гына акча кирәк булачак. Аның бәясе төрле категория заявка бирүчеләр өчен төрлечә. Мәсәлән, физик затлар өчен 100 объект турында белешмә мәгълүмат 250 сумга, 1000 объект турында 1000 сумга төшә. Сервисның тагын бер плюсы – запроска җавап алу срогы элемтә каналлары эше тизлегенә генә бәйле һәм бер тәүлектән дә озакка сузылмый. 

Искәрмә: сервистан гамәлдәге “керү ачкычы”на ия булган кулланучылар гына файдалана ала, аны туры килүче запрос җибәреп һәм мөһим документларны ияртеп, Казан шәһәре, Авангард урамы, 74 йорт, 4 подъезд адресы буенча Росреестрның ТР буенча идарәсенең үзәк офисында алырга мөмкин. Шулай ук бу сорау белән Буа шәһәре, Космовский урамы, 108 “Г” адресы буенча урнашкан Буа бүлегенә дә мөрәҗәгать итәргә була. Үзең белән паспорт, әгәр вәкаләтле зат эш итсә, ышанычнамә алып  килергә кирәк.