Татарстан Республикасы Дәүләт алкоголь инспекциясенең Зеленодол территориаль органы Буа районы алкоголь базарындагы хәл турында хәбәр итә

2020 елның 31 мартына район территориясендә 109 сәүдә объекты алкогольле продукцияне ваклап сатуга лицензиягә ия, бу узган ел белән чагыштырганда 5 объектка кимрәк.

Буа районында 2020 елның 1 кварталында барлыгы 96,4 мең литр күләмендә маркировкаланган алкогольле продукция сатылган, бу узган елга карата 101%. Шул исәптән 57 мең литр аракы, 39 мең литр башка продукция сатылган. Районда алкоголь продукциясен сату күләме бер кешегә 2,32 литр тәшкил итте, бу узган елга караганда 3 процентка күбрәк.

Хисап чорында контроль-инспекция чараларының нәтиҗәлелеге һәм күләме районның алкоголь базарында контрольне тәэмин итәргә мөмкинлек бирде. Татарстан Республикасы Дәүләт алкоголь инспекциясенең Зеленодол территориаль органы хезмәткәрләре тарафыннан 16 тикшерү чарасы үткәрелде-бу узган ел белән чагыштырганда 23 процентка күбрәк, 16 закон бозучы ачыкланды, бу узган елның шул ук чоры белән чагыштырганда ике тапкыр күбрәк. Контроль чаралар барышында 96 литр күләмендә алкогольле продукция легаль булмаган әйләнештән алынды, узган ел 209,43 л күләмендә алкогольле продукция хуҗасыннан алынды.

Судлар , шулай ук вазыйфаи затлар тарафыннан 18 административ эш каралган (узган ел дәрәҗәсенә карата 78%). Карау нәтиҗәләре буенча 70,0 мең сумлык административ штраф салынды (21%), судлар тарафыннан алга таба юк итү өчен законсыз әйләнештән алынды һәм 2019 елда 5 л. алкогольле һәм спиртлы продукция конфискацияләнде.

"Росспиртпром" ААҖнә 60,35 л күләмендә алкогольле һәм спиртлы продукцияне юк итү өчен тапшырылды (2019 елның 1 кварталында продукция юкка чыгаруга тапшырылмады).

2020 елда «Халык контроле» Татарстан Республикасы дәүләт мәгълүмат системасына гражданнардан районның алкоголь базарында хокук бозулар турында бер генә хәбәр дә килмәде, узган ел 1 кварталда 8 хәбәр булды, шуларның 4се расланган. Барлык мөрәҗәгать итүчеләргә акчалата бүләк тапшырылды.