Буалылар халыкара дәрәҗәдәге фермер булу мөмкинлеген кулдан ычкындырмагыз!
Россия авыл яшьләре берлеге «Яшь фермер» проектын башлап җибәрде – яшь аграрийларга ярдәм итү, авыл хуҗалыгында бизнес-планлаштыру күнекмәләрен үстерү һәм командада эшли белү инициативасын. Уенда җиңүчеләр дипломнар һәм истәлекле бүләкләр белән бүләкләнәчәк һәм Россия, Кыргызстан Республикасы, Казахстан Республикасы, Әрмәнстан Республикасы, Беларусь Республикасы һәм башка илләрдә стажировкага чакырылачак.
Татарстан Республикасы Авыл хуҗалыгы һәм азык-төлек министрлыгы «Татарстан Республикасы Аграр яшьләр берләшмәсе» төбәк иҗтимагый оешмасы белән берлектә «Яшь фермер» халыкара бизнес-уенының төбәк этабын уздыра.
Уен яшьләрне авыл хуҗалыгы җитештерүен булдыруга һәм үстерүгә, авыл территорияләренә ярдәм итүгә һәм авыл яшьләренең фермер хуҗалыгын һәм авыл хуҗалыгы кооперативын оештыру мөмкинлекләре турында белемнәрен киңәйтүгә юнәлдерелгән бизнес-проектларны эшләү һәм гамәлгә ашыру процессына җәлеп итү максатында үткәрелә.
Уенда мәктәп укучылары, урта махсус уку йортлары студентлары, студентлар, магистрантлар һәм аспирантлар арасыннан 14 яшьтән 35 яшькә кадәрге 5 кеше; шәхси ярдәмче хуҗалык алып бару тәҗрибәсе булган яшь кешеләр, агросәнәгать комплексы өлкәсендә үз эшчәнлеген алып баручы эшмәкәрләр катнаша ала.
Бизнес-проектлар түбәндәге өстенлекле юнәлешләр буенча карала:
- терлекчелек,
- игенчелек,
- авыл хуьалыгы кооперациясе,
- агротуризм,
- ландшафт дизайны,
- АПКда it-проекты,
- ирекле тема,
Бизнес – уен берничә этапта узачак: милли – 2020 елның 30 июненә кадәр; Халыкара (читтән торып) – 2020 елның 31 августына кадәр; Халыкара Эксперт советы каршындагы проектларны яклап-2020 елның 31 октябренә кадәр-Россиянең бер төбәгендә.
Читтән торып региональ этапта катнашу өчен, нигезләмә нигезендә, документларның тулы пакеты булган гаризалар рөхсәт ителә . Гаризалар 2020 елның 22 маена кадәр электрон адреска кабул ителә: amo-rt@mail.ru к
Татарстанда катнашу буенча кызыксындырган сорауларны (843) 221-75-97 телефоны буенча яисә «Instagram» рәсми аккаунтында белергә мөмкин https://www.instagram.com/selmolrt/
Халыкара дәрәҗәдәге фермер булу мөмкинлеген кулдан ычкындырмагыз!