Буа муниципаль районы башлыгы Рафаэль Әбүзәровның район халкына Яңа ел котлавы

Хөрмәтле буалылар! 

2012нче ел тарихка китә, ләкин ул алып килгән тәҗрибә, казанышлар һәм уңышлар безнең белән кала. Узып баручы ел вакыйгаларга бай, фидакарь хезмәт һәм уңышлар, тормыш эшчәнлегенең барлык өлкәләрендә казанышлар белән тулы булды. Ул икътисадта, агропромышленность комплексында һәм социаль өлкәдә тотрыклылык курсының дәвамы булды. 

Агропромышленность комплексындагы уңышлар сөенерлек: һәр гектардан 28,2 центнер уртача уңыш шартларында игенчеләр тарафыннан 133,8 мең тонна бөртек җыеп алынды. Татлы тамырның уртача уңышы гектардан 400 центнер тәшкил итте, тулаем җыемы 365 мең тоннага якын булды. Район терлекчеләре дә яхшы эшләделәр. Районда игълан ителгән Терлекчелек елы кысаларында берләшкән команда булып эшләү нәтиҗәсендә тармакны үстерүдә зур үсешкә ирешелде. Районда ит һәм сөт җитештерү үткән ел дәрәҗәсенә карата 101 процент тәшкил итте, бер баш сыердан сөт савып алу 319 килограммга артты һәм 5610 килограмм булды. Төзелеш комплексында да зур эшләр башкарылды. Күпкатлы 9 йортта капиталь ремонт үткәрелде, 2013 елда 10 күпкатлы йортны капиталь төзекләндерү планлаштырыла. Районда Бөек Ватан сугышы ветераннарын уңайлы торак белән тәэмин итү, гражданнарны тузган торактан күчерү буенча зур эш башкарылды. 2013 елда тагын 32 гаиләне тузган торактан күчерү бурычы алда тора. Моннан тыш әлеге программаны алга таба реализацияләү кысаларында 2012 елның 1 гыйнварына карата тузган, дип танылган иске йортларда яшәүчеләр өчен квартиралар төзү планлаштырыла. Шулай ук мөһим инфраструктура булдыру да шуннан ким булмаган өстенлекле бурыч булып тора. 2012 елда 15 километрда юллар норматив хәлгә китерелде, тротуарлар салынды, тимер юлны аркылы чыгу урыны аша автомобиль белән үтү юлы ачылды. Буа шәһәренең Вахитов һәм Гагарин урамнарында, Теңкәш, Алших торак пунктларында урамнарны яктырту линияләре төзелде, 2013 елда Космовский урамы буйлап ясалма яктырту урнаштыру күздә тотыла. Халыкны сыйфатлы чиста су белән тәэмин итү эше дәвам ителде – Бик-Үти, Яңа Чәчкап, Күл Черкене торак пунктларында суүткәргечләрнең тышкы челтәрләрен салу төгәлләнде. Киләсе елда Кыят һәм Зур Фролово авылларында суүткәргеч төзү бурычы тора.

Яшь буын буалыларның зур табигый, мәдәни һәм кешелек потенциалын реализацияләү өчен шартлар тудыру максатында районда уку йортлары биналарын ремонтлау алып барыла. Быел 4 авыл мәктәбе капиталь төзекләндерелде. Безнең алда киләсе уку елына тагын икесен яңарту бурычы тора – Кыят һәм Протопопово мәктәпләренә капиталь ремонт ясалачак, этаплап булса да, районда иң эре мәктәпкәчә мәгариф учреждениесе – Буа шәһәрендәге “Ромашка” бакчасы капиталь ремонтланачак. 

Республика программасын реализацияләү кысаларында агымдагы елда Күл Черкене авылы клубы төзелде һәм эксплуатациягә тапшырылды, 2013 елда Чурак авылында клуб төзү планлаштырылды. Районда дәвалау учреждениеләренең беренчел звеносын үстерү һәм медицина реформасын реализацияләүдә беренчел адым булып 3 модульле ФАП эксплуатациягә тапшырылды. Былтыр барлыгы 14 медицина пункты ремонтланды һәм салынды. 2013 елда 2 модульле ФАПны ачу, 9ын капиталь төзекләндерү планлаштырыла. Узып баручы ел йомгаклары буенча Буа шәһәре чираттагы тапкыр Идел аръягы зонасының спорт үзәге статусын ныгытты. Спорт базасын ныгыту һәм физик культураны планлаштыру максатларында “Буа-Алан”да яктыртылган чаңгы трассасы төзү башланды, анда заманча чаңгы базасы оештырылачак. Ремонтланган торак йортлар, мәктәпләр, административ биналар эксплуатациягә кертелгән заманча архитектура объектлары, яңа балалар уен мәйданчыклары, скверлар һәм ял зоналары районның йөзен уңай якка үзгәртәләр. Әлеге үзгәрешләр нигезендә оптимистлык, зур тәҗрибә, гакыл һәм хезмәт сөючәнлек тора. 

Хөрмәтле буалылар! Сезне чын күңелдән  Яңа 2013 ел белән котлыйм! Быел башланган барлык яхшы эшләр киләсесендә дә чагылыш табачак. Ә районыбызның, республикабызның һәм илебезнең социаль-икътисади үсештә югары темплары киләчәккә ышанычлы нигез салалар. Яңа ел сезгә яңа планнар, өметләр алып килсен, иң яхшы омтылышларыгызны һәм хыялларыгызны тормышка ашырсын, сезне яңа хезмәт ирешүләренә рухландырсын, әйбәт үзгәрешләр, тотрыклылык, үсеш, иминлек һәм тынычлык елы булсын. Һәрберегезгә нык сәламәтлек, бәхет һәм чәчәк атуыгызны телим! Яңа ел өйләрегезгә яхшылыкка, тынычлыкка һәм иминлеккә ышаныч, бәхет белән керсен, энергия, оптимистлык, әйбәт кәеф һәм барлык башлангычларыгызда уңышлар алып килсен!