Роспотребнадзор май бәйрәмнәре вакытында профилактик чаралар буенча киңәшләр бирде
Үз-үзеңне изоляцияләү режимын катгый үтәүне дәвам итәргә.
Элемтәләрне максималь дәрәҗәдә чикләргә:
- туганнарга, дусларыга барудан тыелырга, аларны үз йортыңда кабул итмәскә;
- компаниядә тыгыз аралашудан, урамда йөрү һәм пикниклардан баш тартырга;
- хроник соматик авырулар белән (60 яшьтән өлкәнрәкләр) риск төркемнәрендә булган затларны куркыныч астына куймаска;
- аралашу һәм бәйрәм белән котлау өчен заманча дистанцион элемтә чараларын кулланыгыз.
Шулай да шәһәр читенә чыгарга кирәк икән-түбәндәге кагыйдәләрне үтәргә:
1. Юлда:
- шәхси транспорт чарасына яисә таксига өстенлек бирегез;
-җәмәгать транспортында: битлек киегез, социаль дистанцияне саклагыз (1,5 метрдан да ким булмаска); ачык өслекләргә (ишекләр, поручни) кагылганнан соң кулларны тире антисептик белән эшкәртегез; эшкәртелмәгән куллар белән йөзегезгә кагылмагыз;азык кулланмагыз.
2. Ял вакытында:
- аралашу даирәсен киңәйтмәгез, май бәйрәмнәрен үзегез элемтәдә булган кешеләр белән уздырыгыз; дача участогы һәм табигатьтә ял иткән компанияләр белән элемтәләрдән һәм аралашудан сакланыгыз, социаль дистанцияне саклагыз (1,5 м);
- өлкән яшьтәге гражданнарга (60 яшьтән өлкәнрәкләр) һәм хроник авырулары булган затларга өйдә калуың яхшырак;
- гигиена чараларын үтәгез: кулларыгызны сабын белән кимендә 30 секунд дәвамында яхшылап юыгыз;
- табигатьтә булганда талпаннарның активлык сезоны башлануын онытмагыз: чирәмдә йөрмәгез, ябык кием - югары балтырлы аяк киеме киегез, репеллентлардан файдаланыгыз, даими рәвештә үз-үзегезне һәм бер-берегезне карап торыгыз.
3. Куркынычсыз туклану:
- ризык әзерләү һәм кабул итү алдыннан кулларны агынты яки шешәгә тутырылган су агызып юыгыз яки кулларны тире антисептиклары белән эшкәртегез;
- яшелчә һәм җиләк-җимешне агынты су белән юарга киңәш ителә;
- азык-төлек продуктларын саклауның температура режимын саклагыз;
- алкоголь кулланмагыз, ул организмның йогышлы авыруларга каршы тору сәләтен киметә, шул исәптән COVID-19га.
Хәл начарланганда кичекмәстән үз-үзеңне изоляцияләү чараларын күрегез һәм медицина ярдәме сорап мөрәҗәгать итегез (өйгә чакыру).