Безнең бурыч-картлар йортларында яшәүче әби-бабайларның тормышы яхшы булсын өчен кулдан килгәннең барысын да эшләү
Татарстан Республикасы Хезмәт, мәшгульлек һәм социаль яклау министрлыгы боерыгы нигезендә, санитар-эпидемиологик хәлнең начараюы сәбәпле, яңа коронавирус йогышы таралуга юл куймау максатыннан, 27 апрельдән Буа өлкәннәр һәм инвалидлар өчен интернат-йорты карантинга ябылды. Бүгенге көндә Буа интернат-йортында социаль хезмәтләрдән файдаланучы 120 кеше һәм 25 хезмәткәр «консервация» режимында яши. Коронавирус таралу белән килеп туган хәл гадәти тормыш рәвешен үзгәртте, ул битараф булмаган кешеләрне берләштерде һәм безнең иң яхшы сыйфатларыбызны күрсәтте. Бу авыр чорда учреждениегә хәйриячеләр ярдәм итә. Буа икмәк заводы атнага ике тапкыр икмәк-күмәч әйберләре алып килә. Шул ук вакытта районның шәхси эшмәкәрләре дә игелекле эшләр башкара, алар биредә яшәүчеләр өчен кирәкле азык-төлек китерәләр. Картлар йорты үзизоляциядә ай ахырына кадәр булачак дип хәбәр итәбез.