"Бала- төп пассажир!" рәсем бәйгесен Буада ЮХИДИ игълан итте
Район ЮХИДИ бүлекчәсе "Бала-төп пассажир!" рәсем-плакатлар бәйгесен уздыра. Ул Буа районында яшәүчеләрнең игътибарын пассажир балалар катнашында авариялелек проблемасына җәлеп итү, балалар өчен юл - транспорт имгәнүләрен булдырмау максатыннан үткәрелә.
Бәйгенең бурычлары: - балалар катнашында юлларда авариялелек проблемасына ата-аналарның игътибарын активлаштыру;
- юл хәрәкәтендә катнашучыларның культурасын формалаштыру;
- балаларның һәм өлкәннәрнең социаль активлыгын, иҗади һәм коммуникатив сәләтләрен үстерү. Бәйгене уздыру вакыты: Эшләр 2020 елның 27 маена кадәр түбәндәге электрон адреска җибәрелә: gibdd.buinsk212@mail.ru яки ватсапка (тел: 89274262658). Нәтиҗәләр 2020 елның 1 июнендә ясалачак.
Бәйгедә катнашучылар: анда катнашу өчен балалар белән ата-аналар, мәктәпкәчә учреждениеләрдә тәрбияләнүчеләр, белем бирү учреждениеләре укучылары чакырыла.
Бәйгене уздыру шартлары: 1) плакатлар - өндәүләр теләсә кайсы техникада (гуашь, компьютер графикасы, фотокаллаж, катнаш техника) башкарылырга мөмкин. Эш күләме: форматы-А1
2) эшләр конкурс шигаре белән игълан ителгән үзенчәлекне һәм тематиканы чагылдырырга тиеш.
3) конкурста һәр катнашучыдан бер плакат катнаша ала.
Бәйге 2 яшь категориясендә үткәрелә:
- 3 яшьтән 7 яшькә кадәр (мәктәпкәчә яшьтәге балалар)
- 8 яшьтән алып 12 яшькә кадәр (гомуми белем бирү учреждениеләренең башлангыч буын укучылары)
Конкурс эшен рәсмиләштерү: катнашучы Ф.И. Атасының исеме, яше, белем бирү учреждениесенең исеме плакатның астагы уң як почмагында язылырга тиеш.
Җиңүчеләрне билгеләү: Җиңүчеләр һәм призерлар һәр яшь категориясендә критерийлар нигезендә аерым билгеләнә:
- конкурс тематикасына туры килү;
- чакырылышны чагылдыру;
- яңалыклар;
- эшләрнең сыйфаты, катлаулылыгы һәм оригинальлеге;
- заманча тенденцияләр;
- үтәлешнең ачыклыгы, грамоталылыгы һәм пөхтәлеге;
- балаларның плакатны башкаруда катнашуы.
Бүләкләү: Җиңүчеләр һәм призерлар дипломнар һәм призлар белән бүләкләнә. Катнашучыларның иң яхшы эшләре акция, рейдлар үткәргәндә ЮХИДИ инспекторлары белән берлектә кулланылачак.
Барлык катнашучыларга да уңышлар телибез!