Страховкалау взнослары турында

Агымдагы елда физик затларга түләүләр һәм башка бүләкләүләр үткәрмәүче страховкалаучылар алдан билгеләнгән зурлыкта страховкалау взнослары түлиләр.

Мәҗбүри пенсия страховкалавы буенча аның зурлыгы минималь хезмәт хакының (хәзергә ул 5205 сум) икеләтелгән суммасын һәм Россия Федерациясе Пенсия фондында страховкалау взнослары тарифының (26 процент) 12 айга тапкырланган суммасына тапкырлаганга тиң. Взносның гомуми суммасы бер елга 32479 сум 20 тиен тәшкил итәчәк. Мәҗбүри медицина страховкалавы буенча страховкалау взносының алдан билгеләнгән суммасы итеп минималь хезмәт хакы суммасына Россия Федерациясе Федераль фондына страховкалау взнослары тарифын (5,1 процент) 12 айга тапкырланган суммага тапкырланган сан алына. Аның еллык күләме 3185 сум 46 тиен була.

Крестьян (фермер) хуҗалыклары башлыклары взносларны үзләре һәм үз хуҗалыкларындагы һәр әгъза өчен түлиләр. Аны 2013 елда түләү вакыты 31 декабрьгә кадәр. КФХ башлыклары 2012 ел өчен исәпләнгән һәм түләнгән страховкалау взнослары буенча исәп-хисапны 1 мартка кадәр китерергә тиешләр.

Агымдагы елның гыйнварыннан физик затлар, эшмәкәрләр, крестьян-фермер хуҗалыгы башлыклары адвокатлары, нотариуслар өчен страховкалау взнослары түләүдә яңа бюджет класслаштыруы кодлары гамәлгә керде. 1967 елда туганнарның һәм яшьрәкләрнең страховкалау взносының 20 проценты хезмәт пенсиясенең страховкалау өлешен, 6 проценты тупланма өлешен финанслауга китә. 1966 елгылар һәм өлкәнрәкләрнең страховкалау взносларының 26 проценты страховкалау өлешенә китә. Билгеле булганча, әлеге категория булачак пенсионерлар өчен пенсияләрнең тупланма өлеше юк.

Отчетларны кабул итү вакытында – 9  гыйнвардан 15 февральгә кадәр шәхси эшмәкәрләргә һәм КФХ башлыкларына (адвокатларга һәм нотариусларга) һәр көнне 8дән 15 сәгатькәчә хезмәт күрсәтелә. Клиент хезмәтчелеге белгече кабул итүенә администраторда һәм 3-14-73 телефоны буенча алдан язылырга мөмкин.

Сүз уңаеннан, Пенсия фонды идарәсенең 22 ноябрьдән салым түләүченең идентификацияләү номеры (ИНН) 1614002820гә үзгәрде.