Безнең районның яшь авторлары «Глаголица» бәйсез әдәби премиясенең төп призы өчен көрәшә алалар.

2020 елның 13 августы, пәнҗешәмбе

"Глаголица" - 10-17 яшьлек яшүсмерләр өчен бәйге. Бу-рус һәм татар телләрендәге теләсә нинди жанр һәм форматтагы иҗат һәм үз-үзеңне күрсәтү иреге.  Срогы – 2020 елның 15 сентябре. Премияне гамәлгә куючы һәм оештыручысы - «Бәхетле тарихлар» хәйрия фонды, e-mail:  glagolitsa-rt@yandex.ru.  

Катнашу бушлай, оештыру кертеме юк.

 «Глаголица» премиясе - яшүсмер – әдәбиятчылар өчен Россиядә иң яхшы проектларның берсе. Бәйгедә катнашу-танылган авторлар белән мастер – классларда катнашу, биш көнлек әдәби сменада булу, үз әсәрләрен әдәби альманахта бастырып чыгару һәм әдәбият белән мавыгучы , уңышлы, талантлы һәм максатчан кешеләрне, фикердәшләрне, яшьтәшләрен очрату мөмкинлеге. Эшләрне танылган язучылар бәяли: Виктор Лунин, Анна Русс, Галимьян Гыйльманов, Сергей Махотин, Михаил Яснов, Рөстәм Галиуллин, Ольга Варшавер, Надежда Ажгихина, Рифат Сәлах, Наринэ Абгарян, Ольга Мяэотс.

Приз фонды:

• әдәби сменага 100 юллама

•  катнашучылар әсәрләре кергән 100 Альманах • 30 электронных планшетов

• 30 китап җыелмасы

•  Гран-при отучыларга 6  «Бәллүр ябалак» статуэткасы

Ничек катнашырга:

·  https://www.glagolitsa-rt.ru/ сайтында теркәлергә

· анкета тутырырга

· түбәндәге номинациянең берсе буенча әлегә кадәр беркая да басылып чыкмаган 20 000 тамгадан артмаган күләмдә Шәхси кабинетта бәйге эшен теркәргә

- рус телендә поэзия (10-13 һәм 14-17 яшь)

-  татар телендә поэзия  (10-13 һәм 14-17  яшь)

- рус телендә проза (10-13 һәм 14-17 яшь)

-  татар телендә проза  (10-13 һәм 14-17 яшь)

- Француз, инглиз, алман һәм татар телләреннән рус теленә сәнгати тәрҗемәләр (14-17 яшь)

- Эссеистика  рус телендә (14-17 яшь)

Нигезләмә белән тулырак сайтта танышырга мөмкин www.glagolitsa-rt.ru/

Катнашыгыз, алга омтылыгыз! Талантыңа һәм якты киләчәгеңә каршы адым яса! Барыгызга  да уңышлар телибез!