Чехиядә якташыбыз каберлеге табылган
Татарстан Республикасы Хөкүмәте адресына Россиянең Чехиядәге илчелегеннән һәм РФ Оборона министрлыгының Чехия Республикасында 2019-2020 елларда хәрби-мемориаль эш оештыру һәм алып бару буенча вәкиллегеннән мөрәҗәгать килде «Бөек Ватан сугышында катнашкан туганнарының, Татарстанның 1945 елда һәлак булган һәм Брно һәм П.Оржехов (Чехия республикасы) мемориаль комплексларында җирләнгән туганнарының күмелү урыннары турында халыкка хәбәр итүләрен сорыйбыз», — диелә мөрәҗәгатьтә.
Брно шәһәре вәкиллеге, магистраты, Россия Илчелеге каршындагы мәктәп укучыларының хәрби-тарихи эзләнү берләшмәсе, Прага шәһәренең яшьләр һәм балалар дипломатиясе клубы, Россия һәм Чехия эзтабарлары тарафыннан битараф булмаган 1715 яңа сугышчы исемен билгеләүгә ирешкәннәр. Исемнәрне эзләү рәсми чыгыштагы күпсанлы архив документларын җентекләп өйрәнүгә һәм чагыштыруга нигезләнгән. Эш барышында берничә беренчел җирләү урынының берьюлы берничә зур хәрби зиратны яңадан җирләү оештырылган булуы ачыкланды.
Якташыбыз булган һәм Чехия Республикасының Көньяк Моравия крае Оржехлар шәһәрендә мемориаль плитада мәңгеләштерелгән сугышчының исемен буалыларга җиткерәбез:
Рядовой Сингатулин Ингаш Измайлович, 1924 елда туган, 1945 елның 5 маенда һәлак булган. Беренчел җирләнү урыны: Силувки. Татарстан АССР, Буа р-ны, Күл Черкене авылында туган. Туганнары турында мәгълүмат юк.
Кызыл Армия солдатлары һәм командирларының исемлеген, шулай ук һәлак булучылар турында өстәмә мәгълүматны Россия Федерациясенең Чехия Республикасындагы Илчелегенең рәсми сайтында, хәрби-мемориаль эш бүлегендә ачыкларга мөмкин: https://newczech.mid.ru/ru/voenno_memorialnaya_rabota/
Белешмә өчен, Брно шәһәрендәге мемориаль комплекста 3668 Кызыл Армия солдаты һәм офицеры җирләнгән. Хәрби каберлекләр 20 ялгыз каберлектән, 290 әрҗәдән һәм офицерларның, рядовой һәм сержант составының бертуганнар каберлегеннән тора. Бүгенге көндә 3503 сугышчының исемнәре билгеле.