Буалылар «Таврида Илһамландыра» шоу-концертында катнаша ала
2020 елда «Таврида – АРТ» иҗат берләшмәләре фестивален уздыру 2020 елның 2 сентябреннән 6 сентябренә кадәр онлайн - һәм офлайн-форматларда планлаштырылган. Шунысын да билгеләп үтәргә кирәк, фестиваль профессиональ бергәлек формалаштыру, иҗади киңлекне үстерү өчен шартлар тудыру максатыннан үткәрелә. Фестиваль кысаларында яшь кешеләр үзләренең иҗади идеяләрен гамәлгә ашыра, фикердәшләрен таба һәм иҗтимагый һәм дәүләт ярдәме өчен нәтиҗәле механизмнар ала алачаклар.
Фестивальдә яшь мәдәният һәм сәнгать эшлеклеләре, продюсерлык үзәкләре, заманча сәнгать үзәкләре вәкилләре, студентлар, аспирантлар, профильле дисциплиналар укытучылары, музыка һәм бию коллективлары вәкилләре, иҗади һәм сәнгать остаханәләре вәкилләре, иҗади конкурсларда катнашучылар, иҗат берләшмәләре активистлары, #МЫВМЕСТЕ акциясендә катнашучылар катнашачак
2020 елда фестиваль программасы дүрт блоктан тора: Фестивальне ачу («Таврида Илһамландыра» телевизион шоу-концерты), «Таврида янәшәдә» стримнар һәм күршеләрдәге концертлар фестивале, «Таврида-АРТ» кастинг – платформасын эшләтеп җибәрү, беренче масштаблы креатив индустрияләр фестивале.
Фестивальнең төп офлайн-мәйданчыгы «Таврида Илһамландыра» шоу-концерты булачак. Берничә көн дәвамында арт-кластер территориясе фестивальләр фестиваленә әвереләчәк. Бер мәйданчыкта "Rap Koktebel», «Koktebel Jazz Party», «Нашествие», «Jazz утары», "Жара" һәм башка фестивальләр җыелачак. «Таврида Илһамландыра» берничә йөз чараны берләштерәчәк, алар арасында флешмоблар, арт-перформанслар, модалы дизайнерлар шоулары, костюмлы төнге йөрешләр, театр һәм цирк тамашалары, кино күрсәтү, заманча сәнгать күргәзмәләре, стендап-чыгышлар, “ArtMasters” иҗади компетенцияләр ачык чемпионаты,” Херсонес” фрегатлары, стритфудлар һ.б. бар.
«Таврида Илһамландыра» шоу-концертында катнашу өчен 18 яшьтән алып 35 яшькә кадәрге претендентларга 2020 елның 6 августыннан 20 августына кадәр «Таврида» арт-кластерының рәсми сайтында tavrida.art адресы буенча теркәлү узарга кирәк, профиль юнәлеш сайлап, анкета тутырырга.