Татарстан Республикасы Авыл хуҗалыгы һәм азык-төлек министрлыгы буалыларны бакчачылар көненә багышланган ярминкәгә чакыра
5 сентябрьдә Казанда Татарстан Республикасы Авыл хуҗалыгы һәм азык-төлек министрлыгы ярдәме белән «Казан» Агросәнәгать паркында бакчачылар көненә багышланган ярминкә узачак.
Теләгән һәркем бакчачылар үстергән авыл хуҗалыгы продукциясен сатып алу, төрле конкурсларда һәм мастер-классларда катнашу мөмкинлегенә ия.
Казан, Чаллы, шулай ук Әлмәт, Югары Ослан, Биектау, Яшел Үзән, Лаеш, Түбән Кама, Питрәч, Тукай һәм Чистай районнарының коммерцияле булмаган бакчачылык ширкәтләре җиләк-җимеш, яшелчә, җиләк-җимеш агачлары үсентеләре һәм башка продукцияне алып киләчәк. Ярминкәгә шулай ук Татарстан кулланучылар берлегенең район бүлекчәләре дә ярдәм итәчәк.Чараның максаты-республика территориясендә бакчачылык һәм яшелчәчелекне үстерү. Татарстанда үз җирләрендә уңыш үстерүчеләргә, балаларына һәм оныкларына җиргә хөрмәт тәрбияләүчеләргә зур хөрмәт белән карыйлар, шуңа күрә бакчачыларга ярдәм итүгә зур игътибар бирелә.