Республикада җиңүче

Россия Эчке эшләр министрлыгының Буа районы буенча бүлегенең шикләнелүчеләрне һәм гаеплеләрне вакытлыча тоту изоляторы начальнигы, полиция капитаны Александр Калинин узган елгы эш нәтиҗәләре буенча “РФ Эчке эшләр министрлыгының Татарстан Республикасы буенча II категориядәге иң яхшы подразделениесе” республика конкурсында җиңү яулады. ТР Эчке эшләр министры Артем Хохорин аның хезмәтенә югары бәя бирде, ОВД начальнигы Айрат Ханбиков та җиңүчене тәбрикләде. “Хокук сагында егерме елга якын хезмәт итеп, сез үзегезне бары яхшы яктан гына күрсәттегез. Эшнең асылын тирәннән белүче, җаваплы, максатчан булуыгыз белән яшь буын өчен үрнәк булып торасыз”, - диде җитәкче.

Александр Калинин үзе исә: “Бу конкурста алдынгы урын алырмын, дип уйламаган да идем. Һәрвакыттагыча, бар күңелемне биреп яраткан эшемне башкардым. Ә җитәкчелектән мондый мактау сүзләре ишетү ул киләчәктә тагын да тырышып эшләргә стимул” - ди.