Буада нефть продуктларын агызуны бетерү буенча команда-штаб өйрәнүләре узды
Бөтенроссия күнегүләре башкарма хакимиятнең федераль органнары, субъектларның башкарма хакимияте органнары, җирле үзидарә органнары һәм оешмалар белән үткәрелә.
Укулар ике этапта уза.
Кичә узган беренче этапта шартлы гадәттән тыш хәлне бетерүгә җәлеп ителгән идарә органнары, көчләр һәм чаралар турында хәбәр итү, җыю һәм оештыру мәсьәләләре каралды.
Икенче этап-гамәли чараларны эшләү.
Өйрәнүләрнең темасы-нефть продуктларын агызуга бәйле гадәттән тыш хәлләрне бетерү.
Тактик ният буенча участокта резервуар ачылып, авария һәм торба өзүлү булды, нәтиҗәдә, нефть продуктлары агу барлыкка килде һәм "Буанефтепродукт" участогы хезмәткәре зыян күрде.
Кичекмәстән барлык ашыгыч хезмәтләргә хәбәр итү оештырылды, Буа муниципаль районының гадәттән тыш хәлләр һәм янгын куркынычсызлыгын тәэмин итү комиссиясе әгъзалары җыелды. Һәлакәт булган урынга санаулы минутларда янгын сүндерүчеләр, ашыгыч ярдәм, электр челтәрләренең авария бригадалары килде, күчмә туклану пункты оештырылды. Барлык хезмәтләрнең гамәлләре төгәл эшләнелгән.