Буа муниципаль районы

Балаларны саклагыз!

2013 елның 1 марты, җомга

РФ Тикшерү комитетының рәсми вәкиле Владимир Маркин ата-аналарга балаларын бер генә минутка да күздән ычкындырмаска кушты: Россиядә чын мәгънәсендә сабыйларга ау башланды.

Февраль аенда Яр Чаллы шәһәрендә В. Галицынаның көчләнгән үле гәүдәсе табылды. Педофил кулыннан Иркутск өлкәсендә 5 сыйныф укучысы У. Алексееваның җаны коелды. Уссурийский шәһәрендә 8 яшьлек Н. Луцишина үтерелде. Күптән түгел безнең республикада да охшаш җинаять теркәлде. Алабуга шәһәрендә көчләнгән килеш ярым ялангач кар өстендә үләргә калдырылган 2 сыйныф укучысы табылды. Бүгенге көндә табиблар аның өшегән аякларын саклап калу өчен көрәшәләр.

Әлеге авыр хәбәрләрне һәр ата-ана үзенең йөрәге аша үткәрде. “Язгы-көзге чорда психик авырулар кискенләшүен һәм урамнарда җинаять кылырга сәләтле тотрыксыз психикалы кешеләр ешрак күренүен истә тотып, ата-аналарны, укытучыларны уяу һәм күзәтүчән булырга чакырабыз. Балагызны мәктәпкә озатырга, каршы алырга мөмкинлек табыгыз”, - диде Владимир Маркин. ТР Президенты Рөстәм Миңнеханов та балаларга игътибарны арттыру зарурлыгын искәртте. Сүз уңаеннан, 2012 елда Татарстанда балигъ булмаган балаларга кагылышлы 2768 җинаять кылынган, аларның 294е көчләү белән бәйле.

Районда да балаларны саклау мәсьәләсе катгый куелды. Район мәгариф идарәсе начальнигы И. Абзалов әйтүенчә, балалар бакчаларында, мәктәпләрдә муниципаль район башлыклары урынбасарлары, полиция хезмәткәрләре һәм башка хокук саклау органнарында эшләүчеләр катнашында ата-аналар җыелышлары үткәрелде. Аерым сыйныф сәгатьләрендә экстремаль хәлләргә юлыкканда үз-үзеңне тоту вариантлары аңлатылды. Укучыларга мәктәпкә, башка урыннарга барганда, кайтканда куркынычсыз маршрутлар сайлау, урамнарда таныш булмаган кешеләр белән аралашудан качу буенча киңәшләр бирелде. “Бәхеткә безнең районда әлегә андый аяныч хәлләр күзәтелгәне юк, булырга да язмасын. Әмма тынычланырга һич кенә дә ярамый”, - ди Илнар Искәндәр улы. Педофилны тышкы кыяфәте буенча гына башкалардан аерып булмый. Киресенчә, ул бик мәдәниле, итәгатьле булып күренергә мөмкин. Балаларның да ышанычын җиңел яулыйлар. Шуңа күрә олылардан тагын бер кат уяулык, баласы иминлегенә күбрәк игътибар бирү сорала

Оценить материал и/или оставить мнение

БАРЛЫК ЯҢАЛЫКЛАРНЫ УКУ