ТР Дәүләт хезмәтләре порталында беренче бала туу (уллыкка алу) белән бәйле рәвештә айлык түләү өчен гариза бирү сервисы гамәлгә ашырылды
Хөрмәтле әти-әниләр!
«Балалары булган гаиләләргә айлык түләүләр турында» Федераль закон нигезендә 2018 елдан социаль яклау органнары тарафыннан беренче бала туу (уллыкка алу) белән бәйле рәвештә айлык түләү (алга таба - айлык түләү) бирелә.
Айлык түләүгә 2018 елның 1 гыйнварыннан соң бала тапкан (уллыкка алган) хатын-кызлар хокуклы. Түбәндәге шартларда:
Россия Федерациясе гражданлыгы булу;
Россия Федерациясе территориясендә даими яшәү;
гаиләнең җан башына уртача кереме 20 170 сумнан артмый (2019 елның икенче кварталында Татарстан Республикасында билгеләнгән эшкә яраклы халыкның яшәү минимумының 2 тапкыр күләме).
2020 елда айлык түләү күләме-9 373 сум (2019 елның 2 кварталы өчен Татарстан Республикасында билгеләнгән балалар өчен яшәү минимумы күләме).
Игътибар итегез, 2020 елның 1 октябреннән айлык түләү өчен гаризаны тулысынча электрон рәвештә Татарстан Республикасы дәүләт һәм муниципаль хезмәтләр Порталы аша бирергә мөмкин https://uslugi.tatarstan.ru сайтының «Хезмәтләр электрон рәвештә/социаль яклау (гариза бирү, түләүгә, субсидияләр)» өстәмә битендә.