Татарстан Республикасы (Татарстан) буенча Роспотребнадзор идарәсенең Буа, Чүпрәле, Тәтеш, Апас районнары территориаль бүлеге гриппка каршы прививка ясау кампаниясенең дәвам итүе турында хәбәр итә
Гриппка каршы прививкаларны уздыруның оптималь вакыты-сентябрь аеннан ноябрьгә кадәр. Гриппка каршы прививкадан соң кешенең иммунитеты авыруларның эпидемик күтәрелешенә кадәр формалашып өлгерергә тиеш.
Агымдагы эпидемия сезонының үзенчәлеге-грипп вируслары һәм яңа коронавирус инфекциясе бер үк вакытта циркуляцияләшеп, халыкның сәламәтлеге өчен куркынычлылыкны арттыруы.
Гриппка каршы вакцинация ясау-авыруны профилактикалауның төп һәм иң нәтиҗәле ысулы. Быел профилактик прививкалар белән халыкның кимендә 60% ы, ә риск төркемнәрендә 75% ы колачланачак. Аерым игътибар балаларга, йөкле хатын-кызларга, хроник авырулары булган кешеләргә, 60 яшьтән өлкәнрәк затларга һәм медицина, мәгариф, транспорт һәм ТКХ өлкәсе хезмәткәрләренә бирелә.
Грипптан ничек сакланырга
- Гриппка каршы иң нәтиҗәле саклану чарасы – вакытында вакцинация ясату
- яхшы тукланыгыз, сәламәт яшәү рәвеше алып барыгыз, йокыгызны туйдырыгыз һәм физкультура белән шөгыльләнегез
- кулларыгызны юыгыз
- борын тишеклщрен юдырып торыгыз
- даими рәвештә биналарда дымлы җыештырулар уздырыгыз
- бүлмәләрне даими җилләтегез һәм бинадагы һаваны дымландырыгыз
- җәмәгать урыннарында һәм транспортта битлекләр кулланыгыз
- мөмкин булганча кешеләр күпләп җыела торган урыннарда булмагыз
· авыру симптомнары ( төчкерү, йөткерү) булган кешеләр белән аралашмаска тырышыгыз