“Спорт-тормыш нормасы” федераль проекты 2019 елның 1 гыйнварында старт алды
«Спорт – тормыш нормасы» федераль проекты 2019 елның 1 гыйнварында старт алды. Ул «Демография» милли проектының бер өлеше булып тора. «Спорт – тормыш нормасы» проектының бурычы-2030 елга Россиядә даими рәвештә физик культура һәм спорт белән шөгыльләнүчеләр санын 70% ка кадәр арттыру. "Арктика" спорт мәктәбе «Спорт – тормыш нормасы» федераль проектында катнашучыларга кушылды. Ул Россиянең 43 регионын берләштерә. Проектның максаты-балаларны спорт белән шөгыльләнү урыннарына озата баручы һәм тренировкалар тәмамланыр дип көтүче өлкәннәрне физик культура һәм спорт белән шөгыльләнүгә җәлеп итү. Әлеге проект кысаларында 25 ноябрь көнне спорт мәктәбендә «балалар»-«ата-аналар» хоккей буенча иптәшләрчә матч үткәрелде. Ярышта 2011 нче елгы балалар, аларның әти-әниләре, өлкән абыйлары катнашты. 5: 4 исәбе белән яшь һәм энергияле командалар җиңде, «Балалар» командасы 1 урынны яулады. Алар кубок һәм грамоталар белән бүләкләнде. «Әтиләр» командасын да 2 урын өчен грамоталар белән бүләкләделәр.