2020 елда Татарстанда авыл территорияләрен төзекләндерү буенча 500дән артык объект барлыкка килде
2020 елда Татарстан авылларында 500 дән артык төзекләндерү объекты төзелгән. Бу Татарстан Республикасы Авыл хуҗалыгы һәм азык-төлек министрлыгының «Авыл территорияләрен комплекслы үстерү» дәүләт программасын уңышлы гамәлгә ашыру нәтиҗәсендә мөмкин булды. Авыл территорияләрен төзекләндерү чаралары кысаларында 791,8 млн сум акча бүленгән, шул исәптән федераль бюджет акчалары исәбенә - 459,2 млн сум, Татарстан Республикасы бюджеты - 332,6 млн сум. Моннан тыш, муниципаль районнар тарафыннан 11,3 млн сум күләмендә акча җәлеп ителде, һәм бюджеттан тыш чыганаклардан - 347,2 млн сум.
Әлеге акчаларга республика авылларында 501 төзекләндерү объектында эшләр башкарылган. 256 ял зонасы, спорт һәм балалар мәйданчыклары төзелгән, 54 Бөек Ватан сугышы геройларына һәйкәл, 64 яктырту объекты, 70 җәяүлеләр коммуникацияләре һәм 57 каты коммуналь калдыклар мәйданчыгы торгызылган һәм ремонтланган
Россия Федерациясе Авыл хуҗалыгы министрлыгы тарафыннан эшләнгән «авыл территорияләрен комплекслы үстерү» дәүләт программасы авыл халкының тормыш дәрәҗәсен һәм эш белән тәэмин итү дәрәҗәсен күтәрүгә, илдә яшәүчеләрнең гомуми санын саклап калуга, су белән тәэмин итү һәм ташландык суларны агызу системаларын, элемтә һәм телекоммуникацияләр чараларын үстерүгә, газификация дәрәҗәсен арттыруга, мәгариф һәм сәламәтлек саклау юнәлеше буенча алынган социаль хезмәтләрнең уңай шартларын булдыруга, шулай ук юл инфраструктурасы сыйфатын күтәрүгә юнәлдерелгән чараларны гамәлгә ашыруны күздә тота.
Авыл территорияләрен төзекләндерү буенча чараларда республиканың 28 муниципаль районы катнашты. Төзекләндерү буенча иң күп объектлар Кукмара (97 объект), Буа (74 объект), Минзәлә (62 объект) һәм Мамадыш районнарында (55 объект) салынган.
Кукмара районы авылларда ял итү зоналары, парклар, спорт һәм балалар өчен уен мәйданчыклары булдырылды һәм төзекләндерелде. Моннан тыш, табигый ландшафтлар, тарихи-мәдәни һәйкәлләр торгызылды, Бөек Ватан сугышында һәлак булган сугышчылар һәйкәлләре төзекләндерелде, яктырту һәм җәяүлеләр коммуникацияләре оештырылды. Объектларның берсе әле күптән түгел генә ачылды, 1 декабрьдә Кукмара районының Камышлы авылында ял паркы ачылды, шулай ук хоккей тартмасы урнаштыру планлаштырыла.
«Авыл территорияләрен комплекслы үстерү» программасы 2021 һәм аннан соңгы елларда дәвам итәчәк. Авыл территорияләрен төзекләндерү буенча чараларда республиканың барлык районнары да катнаша ала. Программа шартларын Татарстан Республикасы Авыл хуҗалыгы һәм азык-төлек министрлыгының колл-үзәгенең бердәм телефоны: 8-800-4444-16-70.