Татарстанда «Кадрлар резервы» проектының уникенче сезоны башланды
2009 елдан Татарстан Республикасы Яшьләр эшләре һәм спорт министрлыгы «Татарстан Республикасының Иҗади яшьләр академиясе» Региональ иҗтимагый оешмасы белән берлектә «Кадрлар резервы» республика яшьләр проектын үткәрә. Проектның максаты - яшь лидерларны сайлап алу, укыту һәм алып бару системасын формалаштыру, яшьләрнең төрле дәрәҗәдәге социаль әһәмиятле чараларда һәм программаларда катнашуын активлаштыру, яшь кадрларның эшлекле һәм шәхси сыйфатларын үстерү һәм аларны төрле иҗтимагый өлкәләрдә алга этәрү.
«Кадрлар резервы» - озак сроклы үсеш алучы программа, ул Татарстан Республикасы яшьләренең үз-үзләрен тормышка ашыру өчен шартлар тудыра, хезмәт һәм белем бирү мобильлеген стимуллаштыра һәм яшь гражданнарның Татарстан Республикасы дәүләт хакимияте органнары вәкилләре белән хезмәттәшлегенә ярдәм итә.
Ел саен проектта Татарстан Республикасы территориясендә яшәүче 16-30 яшьләрдәге барлык социаль-демографик төркемнәр вәкилләре катнаша. Аларны сайлап алуның төп этаплары (тест, көндезге әңгәмә) мотивацияне, тәҗрибә булуны, шәхси казанышларны, дәгъвачыларның эшлекле сыйфатларын билгеләргә һәм катнашучыларның составын формалаштырырга мөмкинлек бирә. Белем бирү процессы көндезге һәм дистанцион этаплардан тора.
11 ел дәвамында проектта 12 600 дән артык кеше катнашты. Барлыгы 2170 кеше укытылды, аларның 210 «резервчы» Татарстан Республикасы дәүләт һәм муниципаль хакимият органнарына эшкә чакырылды; 260тан артык катнашучы һәм финалист сәнәгать һәм коммерция секторы предприятиеләренә эшкә урнаштырылды; 75тән артык проект гамәлгә ашырылды, 2350дән артык социаль акция уздырылды, 350 дән артык интерактив-белем бирү чарасы үткәрелде.
Сайлап алу этабында катнашу өчен гаризалар 2021 елның 17 гыйнварына кадәр проект сайтында кабул ителә http://rezervrt.ru/