Территориаль иҗтимагый үзидарәләрдә яңа ел чаралары узды

2020 елның 28 декабре, дүшәмбе

Бәйрәм чарасында "Студентлар" территориаль иҗтимагый үзидарәсе халкы очрашты. Балалар һәм өлкәннәр әйлән-бәйлән йөрделәр , уеннар уйнадылар, шигырьләр сөйләделәр. Бәйрәмгә кунакка Ак аю һәм Шаян буран да килде. Аеруча тырыш укучылар грамоталар белән бүләкләнделәр һәм истәлекле бүләкләр алдылар. Бәйрәмнән татлы ризыктан башка беркем дә китмәде.

"Заводская" территориаль иҗтимагый үзидарәсендә дә Яңа ел тамашасын әзерләделәр. Өлкәннәр, балалар белән беррәттән, Кыш бабайга һәм башка әкият геройларына Төзелеш урамы буенча 7 нче йорт ишегалдында сөенделәр. Рәис Садыкова Миләүшә якын-тирә йортларда яшәүчеләрне бәйрәмгә чакырды. Бәйрәм бик күңелле һәм кызыклы үтте.