«Демография» милли проектын тормышка ашыру турында
Буа муниципаль районының «Гармония» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе хезмәткәрләре Буа үзәк район хастаханәсенә 65 һәм аннан өлкәнрәк яшьтәге гражданнарны хастаханәгә илтү эшен дәвам итәләр. Көн саен расланган график буенча махсус автотранспорт өлкәннәрне диспансерлаштыруга китерә. Әлеге хезмәт «Демография» милли проектына кергән «Өлкән буын» төбәк проекты кысаларында күрсәтелә. Аның күрсәткечләренең берсе-эшкә яраклы яшьтәге гражданнарны, диспансерлаштыруны да кертеп, профилактик тикшерүләр белән колачлау.
Диспансерлаштыру һәм өстәмә скрининглар өлкән буынның гомер озынлыгын арттыруга, актив озын гомерле булуны тәэмин итүгә юнәлдерелгән. Әлеге эш социаль яклау хезмәткәрләренең һәм сәламәтлек саклауның ведомствоара бәйләнешенә корылган.