«Яшь гаилә» социаль ипотекасына ел тулды
Татарстан Республикасы Президенты Рөстәм Миңнеханов карары белән узган ел социаль ипотеканың ташламалы программасы шартларын республиканың барлык яшь гаиләләренә тарату турында инициативасы хупланды
Нәкъ бер ел элек, 2020 елның 13 июлендә, Татарстан Республикасы социаль ипотека системасында торак шартларын яхшыртуга мохтаҗ яшь гаиләләргә торак урыннары бирү тәртибе расланды – ул барлык яшь гаиләләрнең, шул исәптән коммерция, бюджеттан тыш оешмаларда һәм предприятиеләрдә эшләүче катнашу критерийларын һәм шартларын билгеләде.
Катнашу критерийлары: торак шартларын яхшыртуга мохтаҗлык (яшь гаиләнең бер әгъзасына 18 квадрат метрдан кимрәк), түләү сәләте (гаиләнең кереме яшәү минимумыннан ким түгел) һәм яшь критерие – 35 яшькә кадәр ир белән хатынның яисә тулы булмаган гаиләдә әти-әнинең яше. Шулай ук Татарстан Республикасы территориясендә яшәү урыны буенча теркәү һәм хезмәт эшчәнлеге буенча катнашуга карата таләпләрне дә билгеләп үтәргә кирәк.
Яшь гаилә-социаль ипотека программасында катнашучы, торак өчен беренчел кертемнең 10% тупланган очракта, тиздән аңа күченү өчен, сатып алына торган фатирны сайлап алу мөмкинлеге ала.
Моннан тыш, социаль ипотека килешүе гамәлдә булган вакытта һәр туган бала өчен дәүләт фатир бәясеннән 200 мең сум акча күчерә.
Беренче ел өчен яңа программаның нәтиҗәләре нинди? Республиканың 31 муниципаль берәмлегеннән меңнән артык яшь гаилә программада катнашырга теләк белдергән, шуларның 450-е яңа торакка күчкән инде.
Дәүләт торак фонды мәгълүматларына караганда, яшь гаилә, катнашуга гариза биргәннән соң, бер айдан соң, яңа фатирга күченергә мөмкин.
«Яшь гаилә» социаль ипотека программасында катнашу өчен исәпкә кую өчен гариза бирүченең теркәлү урыны буенча Башкарма комитетка мөрәҗәгать итәргә кирәк. Хәзерге вакытта Татарстанның Төзелеш министрлыгы тарафыннан, «өйдән чыкмыйча гына» катнашу өчен, документларны цифрлаштыру проекты эшләнә.
«Яшь гаилә» социаль ипотека программасы, муниципаль берәмлекләрдә документлар һәм контактлар исемлеге турында тулырак мәгълүматны Министрлык сайтында «ТР яшьләренә торак» тематик бүлегендә белергә мөмкин https://minmol.tatarstan.ru/zhile-molodim-rt.htm
Узган айларда Яшь гаиләләрне торак белән тәэмин итү буенча ике республика туры эфиры үткәрелде, анда экспертлар һәм министрлык һәм ведомство вәкилләре торак шартларын яхшыртуда яшьләргә һәм яшь гаиләләргә ярдәм итүнең гамәлдәге чаралары турында җентекләп сөйләделәр – трансляцияләрнең видеоязмалары белән ТР Яшьләр эшләре, спорт һәм туризм министрлыгының Youtube-каналында танышырга мөмкин www.youtube.com/c/МинистерствоподеламмолодежиРТ