Спорт белән шөгыльләнү өчен салым түләүләрен ничек кайтарып алырга?

2022 елның 1 гыйнварыннан түләүле спорт оешмаларында шөгыльләнүче татарстанлылар абонементлар бәясенең бер өлешен салым түләүләре ярдәмендә кире кайтара алачак. "Физкультура-сәламәтләндерү хезмәтләре" өчен сарыф ителгән иң күп сумма- 15 мең 600 сум компенсациягә дәгъваланырга  мөмкин.

Сүз бассейннар, тренажер заллары һәм тернәкләндерү үзәкләре турында бара. Шул ук вакытта физкультура-спорт һәм сәламәтләндерү оешмалары, шулай ук физкультура-сәламәтләндерү хезмәтләре күрсәтүче шәхси эшмәкәрләр Россия Спорт министрлыгы сайтында урнаштырылган еллык исемлеккә кертелергә тиеш.

Россия физик затларның керемен 13% ставка буенча алган һәм үзе һәм 18 яшькә кадәрге балигъ булмаган балалары өчен физкультура-сәламәтләндерү хезмәтләре өчен түләүче теләсә кайсы эшкә урнаштырылган гражданины спорт белән шөгыльләнүдән салым түләүләрен ала алачак.

Спорт белән шөгыльләнү өчен салым түләүләрен санау НДФЛ буенча башка социаль түләүләрне исәпкә алып башкарылачак. Исегезгә төшерәбез, Россия Федерациясе Салым кодексында социаль салым салуларның гомуми суммасы елына 120 000 сумнан артыграк була алмый, дип каралган:

-белем алуга;

-  медикаментлар сатып алуга һәм дәвалануга;

- фитнеска;

- дәүләтнеке булмаган пенсия белән тәэмин итү;

- салым түләүченең квалификациясен бәйсез бәяләү узу өчен түләү;

- ирекле пенсия иминләштерүе һәм тормышны ирекле иминләштерү; хезмәт пенсиясенең тупланма өлешенә чыгымнар буенча;

Димәк, бюджеттан 15 600 сумга кадәр кайтарылачак (120 000 сум * 13%). Шул ук вакытта балаларны укыту һәм кыйммәтле дәвалау чыгымнары тулаем исәпләүгә бармый.

Мәсәлән, сез укуыгызга  елына 150 мең сум һәм фитнес өчен тагын 30 мең сум сарыф иттегез. Нәтиҗәдә 180 мең сум килеп чыга, ләкин салым салымын кайтаруны сез 120 мең сумнан гына ала аласыз.