Җир һәм мөлкәт мөнәсәбәтләре өлкәсендә законнардагы яңалыклар
Татарстан Росреестры сайтында 2021 елның 4 кварталы өчен җир һәм күчемсез милек өлкәсендә законнардагы үзгәрешләрне карарга була.
Әлеге җыентык хакимият органнары, һөнәри берләшмәләр вәкилләренә һәм гади гражданнарга ведомство эшчәнлегенең юнәлешләре буенча хокукый яңалыклар турында оператив мәгълүмат бирү өчен эшләнгән.
Татарстан Росреестры җитәкчесе урынбасары Лилия Борһанова сүзләренә караганда, җәмгыятькә Җир һәм күчемсез милек өлкәсендәге законнардагы үзгәрешләр турында аңлату һәм җиткерү мөһим.
«Росреестр тарафыннан махсус эшләнгән дайджест гражданнарга законнардагы үзгәрешләр турында яхшырак ориентлашырга һәм милек хокукларын рәсмиләштерүне камилләштерүгә юнәлдерелгән яңа хокукый инструментлардан вакытында файдаланырга ярдәм итәчәк. Иң ачык яңалыклар – төзүчеләр өчен күчемсез милек объектларын теркәүне гадиләштерү, «дача амнистиясе»н озайту, һ.б.», - дип ассызыклады җитәкче урынбасары.
Яңалыклар җыелмасында күрсәтелгән үзгәрешләр хокукый нормаларда билгеләнгән:
-408-ФЗ номерлы Федераль закон (2021 елның 6 декабрендәге) белән, аның нигезендә төзүчеләр өчен күчемсез милек объектларын теркәүне гадиләштерү буенча чаралар каралган;
-Өлешчеләрнең хокукларын яклау буенча чараларны, шул исәптән азкатлы төзелеш объектларын төзү өчен гражданнарның һәм юридик затларның акчаларын җәлеп итү өлкәсендәге 476-ФЗ номерлы Федераль закон (2021 елның 30 декабрендәге) белән.
- 478-ФЗ номерлы Федераль закон
- 448-ФЗ номерлы Федераль закон (2021 елның 30 декабрендәге), ул «Роскадастр» гавами-хокукый компаниясен төзүне күздә тота.
Материаллар аңлаешлы итеп презентация рәвешендә бәян ителгән. Һәр слайдта график формада мәгълүматның нинди максатчан аудитория өчен билгеләнүе билгеләнде.
Үзгәрешләр белән Сез Росреестрның рәсми сайтында таныша аласыз rosreestr.gov.ru, шулай ук Татарстан Республикасы буенча Росреестр идарәсе битендә rosreestr.tatarstan.ru «Эшчәнлек» бүлегендә.