Россиядә 2022 елгы декларация кампаниясе дәвам итә.
2021 елда гражданин үз милкендә минималь сроктан кимрәк булган күчемсез милек саткан, якын туганнарыннан кыйммәтле бүләкләр алган, лотереяда зур булмаган күләмдә акча откан яки чит ил чыганакларыннан табыш алган очракта, табышлары турында хисап тотарга кирәк. Шул ук вакытта күчемсез милекне – 1 млн сумга, ә башка милекне-елына 250 мең сумга кадәр саткан очракта, салым түләүчегә күбрәк 3-НДФЛ декларациясен тапшырырга кирәкми.
Шулай ук физик затлар кеременә салым буенча 3-НДФЛ формасы буенча салым декларациясен гомуми салым салу режимында үз һөнәри эшчәнлеген гамәлгә ашыручы шәхси эшмәкәрләр, шәхси практика белән шөгыльләнүче нотариуслар, адвокатлар кабинетларын гамәлгә куйган адвокатлар тапшырырга тиеш.
Физик затлар кеременә салым буенча декларацияне физик затларга 3-НДФЛ формасы буенча Россия Федераль салым хезмәте сайтында "Физик затлар өчен шәхси кабинет" Интернет-сервисы ярдәмендә яки «ФЛ салымнары» мобиль кушымтасы аша тутырырга һәм тапшырырга мөмкин. Керемнәре турында кәгазь рәвештә салым инспекциясендә яки КФҮтә хисап тотарга була.
Декларация тапшыру һәм НДФЛ түләү сроклары бозылганда, салым түләүче штраф һәм пеня рәвешендә җаваплылыкка тартылырга мөмкин. Декларацияне тапшыруның иң чик вакыты-2022 елның 4 мае. Әлеге срок салым тотып калынган акчаны алуга кагылмый. Бу очракта декларацияне ел дәвамында теләсә кайсы вакытта җибәрергә мөмкин.
2021 елда алынган керемнәр турында декларацияне 2022 елның 4 маена кадәр тапшырырга кирәк.
Декларациядә исәпләнгән НДФЛ өчен 2022 елның 15 июленә кадәр түләргә кирәк.