Ватанны саклаучылар көне алдыннан Адав-Толымбайда волейбол буенча ярышлар узды

2022 елның 21 феврале, дүшәмбе

Ватанны саклаучылар көне алдыннан Адав-Толымбай урта мәктәбенең спорт залында авыл яшьләре, Адав-Толымбай авылы укучылары һәм укытучылары арасында волейбол буенча традицион ярышлар узды. Ярышларда 5 команда: малайлар һәм кызлар командалары, укытучылар, Адав-Толымбай авылының 2 җыелма командасы катнашты. Турнирны тантаналы шартларда оештыручы Вәлиуллин М. И., авыл җирлеге башлыгы Әхмәтҗанов А. Ф. һәм мәктәп директоры Әхмәтшин И. Г. ачып җибәрделәр. Алар турнирда катнашучыларны һәм кунакларны сәламләделәр. Киеренке ярышларда призлы урыннар түбәндәгечә бүленде: 1 урынны Адав-Толымбай авылы яшьләре җыелма командасы, 2 урынны Адав - Толымбай авылы командасы, 3 урынны укытучылар командасы яулады.