Ранис Камартдинов медицина хезмәткәрләрен Халыкара хатын-кызлар көне белән котлады

2022 елның 9 марты, чәршәмбе

Буа район үзәк хастаханәсенең хатын-кызлар коллективы бәйрәм кәефе өчен район башлыгы Ранис Камартдиновка зур рәхмәт белдерә!

8 Март-Халыкара хатын-кызлар көне. Күпчелек халык өчен бу бәйрәм ял көне. Әмма сәламәтлек саклау хезмәткәрләре иртә таңнан эштә. Табиблар, шәфкать туташлары, ашыгыч ярдәм хезмәткәрләре бу көнне  хезмәттә үткәрәчәкләр.

Район башлыгы хатын-кызлар коллективына көндәлек хезмәтләре өчен рәхмәт  җиткерде. Аның исеменнән  8 Март белән табиб һәм шәфкать туташларын, хастаханә хезмәткәрләрен  Башкарма комитет җитәкчесе урынбасары Илгиз Ханбиков котлады. Бәйрәм табынына Ранис Рафисович исеменнән тортлар алып килделәр.