Район башлыгы Ранис Камартдинов яңа балалар бакчасы төзелеше барышы белән танышты
Буа районы башлыгы Ранис Камартдинов чираттагы төзелеш объектларын карап чыкты.
Бүген яңа балалар бакчасы өчен мәйданчык та каралды. Исегезгә төшерәбез, Әлши авылында күп еллар дәвамында иң кирәкле һәм үзгәрешләргә мохтаҗ булган балалар бакчасы төзелеп килә.
2021 елда, Татарстан Республикасы Президенты Рөстәм Миңнеханов ярдәме белән, объектны төзү килештерелде, финанслау чыганаклары табылды. Төзелеш эшләренең темпларын район башлыгы да шәхсән үзе күзәтеп тора. Хәзерге вакытта диварларның шактый өлеше күтәрелгән. Мәйданчыкта эшләрнең барышы турында подрядчы оешма җитәкчесе сөйләде.
Аннары комиссия 1 нче балалар сәнгать мәктәбендә булды, анда капиталь ремонт дәвам итә. Эшләр график кысаларында бара, әмма «Хәзер үк кызыклы дизайнер чишелешләрен табарга һәм аларны тормышка ашыра башларга кирәк», - дип билгеләп үтте Ранис Рафис улы.
Эш сәфәрен Буа үзәк хастаханәсендә барган төзекләндерү эшләрен карау белән тәмамладылар.