Татарстанда гариза язмыйча инвалидлык буенча 1500 гә якын пенсия билгеләнгән
Татарстан Республикасы буенча Пенсия фонды бүлеге хәбәр иткәнчә, 2022 елның 1 гыйнварыннан инвалидлык буенча иминият һәм социаль пенсияләрне билгеләүнең гаризасыз тәртибе эшли башлады. Пенсия һәм аңа социаль түләү, шул исәптән социаль хезмәт күрсәтүләр җыелмасы, федераль инвалидлар реестры (ФРИ) мәгълүматлары нигезендә, гражданны Пенсия фондына раслаучы документларны тапшырмыйча, инвалид дип таныганнан соң билгеләнә.
Ел башыннан бирле инде 1500гә якын инвалидка түләү билгеләнгән. Сүз инвалидлык алганчы пенсионер булмаган кешеләр турында бара. Инвалидлык гамәлдәге пенсионерга билгеләнгәндә, РПФ ай саен акчалата түләү башкара.
Инвалидлык буенча иминият яки социаль пенсияне билгеләү турындагы карар федераль инвалидлар реестрыннан инвалидлык турында мәгълүмат кергән көннән алып биш эш көненнән дә соңга калмыйча кабул ителә. Пенсия билгеләү турында карар чыгарганнан соң өч эш көне эчендә пенсия фонды бу хакта гражданга хәбәр итә. Пенсия билгеләнүе турында хәбәр дәүләт хезмәтләре порталында яки почта аша шәхси кабинетка килә, әгәр дә порталда хисап язмасы булмаса.
Пенсияне билгеләгәннән соң, гражданиннан пенсия китерүнең ысулын билгеләргә кирәк булачак. Пенсия алу турында гаризаны онлайн Россия Пенсия фонды сайтында яки дәүләт хезмәтләре порталында Шәхси кабинет аша бирергә мөмкин. Түләүләрне теләсә кайсы вакытта илтеп тапшыру ысулын үзгәртергә мөмкин, моның өчен теләсә нинди уңайлы ысул белән яңа гариза бирергә кирәк: шулай ук Пенсия фонды сайтында яки дәүләт хезмәтләре порталында, шәхсән РПФда яки КФҮтә.
«Актив режимда кайбер дәүләт хезмәтләрен күрсәтү, ягъни гражданнарның шәхси мөрәҗәгатеннән башка, социаль казначылык кысаларында гамәлгә ашырыла, аның максаты - социаль ярдәм чараларын билгеләү процессын тизләтү һәм белешмәләр җыюдан баш тарту», - дип билгеләп үтте Татарстан Пенсия фонды идарәчесе Эдуард Вафин.
Россия Пенсия фондының сайтындагы гражданинның шәхси кабинеты аша дәүләт хезмәтләреннән, Пенсия фонды сервисларыннан файдаланыгыз!
Россия Пенсия Фондының Татарстан Республикасы буенча бүлекчәсенең контакт – үзәге 8 800 600 0 357
Интернет-ресурслар pfr.gov.ru, sprrt.ru