Буа яшүсмерләре белән «тормышыбыздагы конфликтлар» турында сөйләштеләр
Яшүсмерләрнең коммуникатив компетенцияләрен коррекцияләү һәм үстерү буенча коррекция - үсеш программасы кысаларында Буа районы «Гармония» халыкны социаль тәэмин итү комплекслы үзәгенең гаиләгә һәм балаларга социаль ярдәм бүлеге психологы Шакирова Светлана социаль участокта «Безнең тормышыбызда конфликтлар» дигән темага рольле уен элементлары белән дәрес үткәрде. Чараның максаты: балигъ булмаган балаларга яшьтәшләре һәм өлкәннәр белән аралашуда конфликтлы ситуацияләрне булдырмаска ярдәм итү.
Чара башында психолог мәгълүмати бишминутлык үткәрде, анда конфликт темасы буенча мәгълүмат актуаль, димәк, һәр кешегә, аның яшенә карамастан, файдалы була ала, дип аңлатты. Аннан соң яшүсмерләр конфликт төрләре һәм аларның барлыкка килү сәбәпләре белән таныштылар, конфликтлы хәлләрдә үз-үзеңне тотуның төп тактикаларын карадылар. Конфликтлы ситуацияләрне дөрес хәл итү күнекмәләрен үстерү һәм ныгыту өчен балаларга яшьтәшләре белән конфликтлы ситуацияләр тәкъдим ителде. Соңыннан конфликтлы хәлләрдә үз-үзеңне тоту стратегиясен билгеләүгә юнәлдерелгән «бәйрәм пирогы» дигән нәтиҗәле диагностика уздырылды.
Дәрес ахырында яшүсмерләр «бәйрәм пирогы» күнегүе аларга барыннан да бигрәк ошады, дип таныдылар. Ул аларга бүгенге көнгә кадәр якын кешеләр белән гармонияле мөнәсәбәтләр корырга комачаулаган характердагы сыйфатларны күрергә, үзендә кабул итәргә ярдәм итте.