Кооперативка керергә теләүчеләр үзәкләштереп бәрәңге орлыгын сатып алдылар

2022 елның 21 апреле, пәнҗешәмбе

Эш китте! Кооперативка керергә теләүчеләр бәрәңге орлыгын үзәкләштереп сатып алдылар.

Кооператив төзү буенча киңәшмәләрдә яңгыраган проблемаларның берсе, утыртуга сорт бәрәңгесе булмау - бүген хәл ителгән диярлек. Район башлыгы Рәнис Камартдинов инициативасы белән теләгән кешеләрдән орлыкларга ихтыяҗ турында мәгълүмат тупланды. Исемлекләрдән һәм күләмнәрдән чыгып, Чуваш Республикасы хуҗалыкларыннан орлык материалларына үзәкләштерелгән заказ бирделәр. Бүген 17 тонна бәрәңге авыл җирлекләренә таратылды. Шулай итеп, «Гала» сортлы бәрәңге - 33 сум, «Коломбо» сортын 35 сумга сатып алганнар.