Бөек Ватан сугышы ветераны 103 яшьлек Рәүф Төхвәтуллинга ТР Президенты Рөстәм Миңнехановтан Рәхмәт хаты тапшырылды

2022 елның 22 апреле, җомга

Муниципаль район башлыгы Ранис Камартдинов, Буа һәм Чүпрәле районнарының хәрби комиссары Радик Төхфәтуллин, район башкарма комитеты җитәкчесенең социаль мәсьәләләр буенча урынбасары Лилия Садретдинова Бөек Ватан сугышы ветераны Рәүф Төхфәтуллинга Татарстан Республикасы Президенты Рөстәм Миңнехановтан Рәхмәт хаты һәм азык-төлек пакеты тапшырдылар. Рәүф Ибраһим улын якынлашып килүче Җиңү көне белән котладылар. Даими рәвештә ветеранның хәлен беләләр, аның тормышы, көнкүреше белән кызыксыналар. Ветеран бүгенге тормыштан канәгать, ул Ранис Рафисовичка фатирын төзекләндергән өчен рәхмәт белдерде.

Бүгенге көндә районда 12 Бөек Ватан сугышы ветераны яши.