Ранис Камартдинов: безгә яшь IT-белгечләр кирәк!
Буа районы башлыгы IT өлкәсендә шәһәрнең яшь укытучылары һәм потенциаль белгечләре белән очрашу үткәрде.
- Безгә гомумән укытучылар кирәк. Буа районы яшь кадрларга, бигрәк тә компьютер технологияләре өлкәсендә белгечләргә мохтаҗ, - дип билгеләп үтте Ранис Рафис улы.
Казан югары уку йортлары студентлары кызыклы сораулар бирделәр. Шул исәптән республикада һәм районда эшләп килүче яшь белгечнең хезмәт хакы мәсьәләсе дә телгә алынды .
Яшьләр бүлеге башлыгы Руслан Смирнов яшьләр өчен гамәлдәге грантлар турында сөйләде.
Яшь белгечләр советы рәисе, 5нче гимназиянең математика укытучысы Сабирова Яна балалар белән эшләү тәҗрибәсе белән уртаклашты. Яшь белгеч мәктәпнең иҗтимагый тормышында һәм грант проектларында актив катнаша.
- Мин, гомумән, икътисади белемгә ия, әмма балаларга математика фәнен укыту теләге миңа якын. Шуңа күрә мин яңадан әзерлек уздым һәм хәзер мәктәп директоры ярдәме белән укытучы булып эшлим. Мәктәптә тормыш кызыклы һәм бай, балалар өчен дә, үзебез өчен дә бик күп проектларны тормышка ашырырга мөмкин, - дип билгеләп үтте яшь укытучы.