Балалар аяк киемен дөрес сайлау турында киңәшләр
Балаларның сәламәтлеген саклау һәм ныгыту өчен кием-салымга гына түгел, балалар аяк киеменә дә игътибар бирү бик мөһим.
Аяк киеме, махсус кием өлеше буларак, организмны начар метеорологик йогынтылардан (югары һәм түбән температура, яңгыр, кар, җил, тузан) һәм механик зыяннардан саклый.
Балалар аяк киеме барлык гигиена таләпләренә җавап бирергә, уңайлы булырга, ә иң мөһиме куркынычсыз булырга тиешлекне ата-аналар белергә тиеш.
Аяк киеме балага индивидуаль сайлап алына. Аяк киемен киеп карамыча гына генә сатып алырга ярамый.
Аяк киемен сайлаганда материалга игътибар итү бик мөһим. Натураль (табигый) материаллар кебек тире, текстиль, киездән эшләнгән аяк киемнәрен сайларга киңәш ителә. Иң мөһиме алар аяк формасына яраклаша торган материаллар.
Аяк киеме иркен һәм табаннан төшмәслек булырга, борын өлеше бармакларны кысмаска тиеш. Очлы борынлы модалы аяк киемен балаларга сатып алудан баш тартыгыз. Мондый сатып алудан баш тартырга ярамый икән, шуны истә тотарга кирәк: бу аяк киемен көндәлек өчен кулланырга ярамый.
3 яшькә кадәр балаларга ачык табанлы, 3 тән 7 яшькәчә балаларга аяк табаны буш аяк киемендә йөрү рөхсәт ителми.
Аяк киеменең тиешле фасон өслеге, аякны кирәкле хәлдә тота һәм аны җәрәхәтләрдән саклый. Шнурлана торган аяк киеменә игътибар бирү яхшы, ул бала аягы өчен ышанычлы. Үкчә–киң һәм тәбәнәк, 0,5-1 см. Төбе– ярымкаты, әмма сыгылмалы, шумый торган булса яхшы.
Балалар аяк киеме иминлеге Таможня берлегенең «Балалар һәм яшүсмерләр өчен билгеләнгән продукция иминлеге турында»гы Техник Регламенты белән регламентлана.
Мөрәҗәгатькә чыгар алдыннан балалар аяк киеме, аның билгеләнешенә карап, әлеге норматив документка сертификацияләү яки декларацияләү рәвешендә туры килүен раслау узарга тиеш. Сатучы кулланучы таләбе буенча аны эшләнмәнең гамәлдәге таләпләргә туры килүен раслаучы документ белән таныштырырга тиеш.
Бәяләүне узган аяк киеме продукциянең бердәм мөрәҗәгать итү билгесе белән маркировкалана.
Аяк киеме маркировкасын игътибар белән өйрәнегез, ул рус телендә булырга һәм түбәндәге мәгълүматны үз эченә алырга тиеш: җитештерүче, модель һәм (яки) артикуле, өске материалы, табан, куллану һәм аяк киемен карау шартлары турында. «Экологик чиста», «Ортопедия» һәм башка шундый ук күрсәтмәләрне расламыйча куллану рөхсәт ителми.
Һәр пар балалар аяк киемендә цифрлы маркировка булырга тиеш. Бу уникаль код форматында DataMatrix. Ул тартмага, ярлыкка (тышланган/асылмалы) яки товарга эленә. Продукцияне iOS һәм Android базасында смартфоннар өчен "Честный знак" кушымтасы ярдәмендә тикшерергә мөмкин.
Балалар ассортиментындагы продукция (кием-салым, аяк киеме, күн-галантерея эшләнмәләре һ.б.) ачыкланганда, мәҗбүри таләпләрне бозуга юл куймау максатларында, Роспотребнадзорга шикаять белән теләсә нинди уңайлы ысул белән (язмача да, ЕСИА да авторизация белән электрон документ формасында) мөрәҗәгать итәргә кирәк.
Кулланучылар өчен дәүләт мәгълүмат ресурсыннан файдаланып https://zpp.rospotrebnadzor.ru. һәр кулланучы күп санлы белешмәлекләр, видеороликлар, претензия һәм дәгъва гаризалары үрнәкләре, яраксызга чыгарылган товарлар исемлеге белән таныша ала. Ресурста Кулланучылар хокукларын яклау өлкәсендә Роспотребнадзорның суд практикасы турында бөтен мәгълүмат урнаштырылган.
Консультацияләр алу өчен сез кайнар линия телефоны буенча мөрәҗәгать итә аласыз 8(84374)2-52-89, 8(84373)3-52-59, 8(84375)2-22-91 яисә Татарстан Республикасы (Татарстан) буенча Роспотребнадзор идарәсенең Буа, Чүпрәле, Тәтеш, Апас районнарында территориаль бүлегенә шәхсән мөрәҗәгать итәргә: 422430, ТР, Буа ш., Ефремов ур., 135 «В» й., 422370, ТР, Тәтеш ш., Свердлов ур., 43, 422470, ТР, Иске Чүпрәле авылы, Центральная ур., 14 а й