Татарстан яңадан "гараж амнистиясе" буенча лидерларда
Аның мөмкинлекләреннән барыннан да ешрак Яр Чаллы халкы файдаланган.
Агымдагы елда Татарстанның “гараж амнистиясе” буенча Росреестры тарафыннан гараж билгеләнешендәге 935 объект теркәлгән инде. Закон гамәлгә керә башлаганнан бирле татарстанлылар үз милкенә 1 722 объект - 1084 гараж һәм 638 җир кишәрлеге рәсмиләштергән.
Теркәлгән гаражлар саны буенча Татарстан Омск (3041 гараж), Свердловск (737 гараж), Тверь (462 гараж) өлкәләре һәм Приморье крае (427 гараж) белән беррәттән алдынгы регионнарга керде.
Татарстан Росреестры җитәкчесе Азат Җаббаров аңлатканча, алынган нәтиҗә муниципалитетлар белән тыгыз элемтәдә тору, шулай ук гражданнар арасында аңлату эшләре алып бару нәтиҗәсендә мөмкин булды.
Азат Җаббаров «гараж амнистиясе»нең аеруча актив мөмкинлекләреннән Яр Чаллы (биредә 602 объект милеккә рәсмиләштерелгән), Казан (332 объект) һәм Әлмәт районы (298) халкы файдалана, дип өстәде.
Исегезгә төшерәбез, "гараж амнистиясе" гаражга гына түгел, җир кишәрлегенә дә хокукларны рәсмиләштерүне күздә тота. Шул ук вакытта законда дәүләттән яки оешмадан гараж алган гражданнар (шул исәптән эшләгән) һәм кооперативлар составында гаражлар хуҗалары (ГСК) файдалана ала. Тегеләренә дә, боларына да җирле үзидарә органына - башкарма комитетка - җир кишәрлеген бирү турында гариза бирергә һәм анда гаражның Шәһәр төзелеше кодексын гамәлгә кертү көненә кадәр, ягъни 2004 елның 30 декабренә кадәр төзелүен күрсәтергә кирәк. Участокны милеккә бирү турындагы карарны Казанда - район администрацияләре, республика районнарында - Җир һәм милек мөнәсәбәтләре палаталары кабул итә.
Татарстан Росреестры сайтында rosreestr.tatarstan.ru “Эшчәнлек” бүлегендә гади һәм үтемле формада гаражларны гадиләштерелгән тәртиптә - гараж амнистиясе буенча рәсмиләштерү процедурасы турында сөйләүче методик тәкъдимнәр белән танышырга мөмкин.