Ранис Камартдинов Новосибирск эшкуарлары белән очрашты

Ранис Камартдинов үзенең телеграмма-каналында Новосибирск эшкуарлары белән очрашу турында сөйләде.

"Без бу төбәктә беренче тапкыр. Форсаттан файдаланып, җирле эшмәкәрләргә Татарстан Республикасының Буа районы турында сөйләдек.

РФ Дәүләт Думасы депутаты Максим Анатольевич Топилинга һәм Новосибирск өлкәсе губернаторы Андрей Александрович Травниковка бу очрашуны оештыруда ярдәм итүләре өчен рәхмәт белдерәбез", - дип яза район башлыгы.

Шуны билгеләп үтәргә кирәк, эшмәкәрләр Буа районы делегациясен җылы каршы алдылар, кызыксыну белдерделәр һәм сораулар бирделәр. Очрашу аралашу форматында узды.