Буа шәһәрендә хоккей буенча беренче төбәкара турнир тәмамланды
Буа районында хоккей буенча XXII Федераль Сабантуй бәйрәменә багышланган беренче төбәкара турнир тәмамланды.
Боз өстендә Татарстан Республикасының Саратов, Ульяновск өлкәләре, Мордовия Республикасы һәм Буа районы командалары очрашты.
Турнир нәтиҗәләре буенча Кубокны Саратов өлкәсе командасы яулады.
- Барлык командалар да лаеклы уйнадылар. Бу очрашу яхшы традициянең башлангычы булыр дип ышанам, - дип билгеләп үтте Буа районы башлыгы Ранис Камартдинов.
Турнирда катнашучылар очрашуны оештырган өчен район җитәкчелегенә рәхмәт белдерделәр. Засвияжск районы администрациясе башлыгы Наил Юманкулов, Ульяновск өлкәсенең физик культура һәм спорт министры Рамил Егоров, Урта һәм кече бизнес хезмәткәрләре профсоюзының Мордовия республика оешмасы рәисе Рәис Хәйров һәм башка кунаклар бозда яңадан очрашырга теләк белдерделәр.