Ульянда Сабантуй гөрләттек

Узган якшәмбе көнне Ульяновск шәһәренең Җиңү паркында Сабантуй гөрләде. Буалылар быел да аның үзәгендә булды.

Һәр бәйрәм тантаналы өлештән  башлана. Биредә дә буалыларның икмәкне зурлаган, милләтара дуслыкны данлаган җырлы-биюле тамашасыннан соң сәхнәгә Ульяновск өлкәсе җитәкчеләре, кунаклар күтәрелде. Беренче булып халыкны Ульяновск өлкәсе хөкүмәте рәисе, губернаторы вазифаларын башкаручы  Александр Якунин тәбрикләде.

– Бәйрәмебезгә Татарстаннан, Чуашстаннан, Самара, Пенза һәм тагын бик күп өлкәләрдән дусларыбыз килүләре, безне зур- лаулары күңелле. Ә ызандаш күршеләребез буалыларга Сабантуйны үткә- рүдә ярдәмнәре өчен чиксез рәхмәт. Ульяновск өлкәсендә 30 Сабантуй бәйрәме узды инде. Монысы  – соңгысы, барысына йомгак ясый торганы, - диде ул.

Үзләренең  теләкләрен шулай ук Ульяновск шә- һәре башлыгы Марина Беспалова, өлкәнең Авыл хуҗалыгы министры урынбасары Константин Долинин, Ульяновск өлкә татар милли-мәдәни автономиясе башкарма комитеты рәисе Рәмис Сафин һәм башка күп ульянлылар ирештерде.  ТР Промышленность һәм сәүдә минис-тры  урынбасары Рашат Фәттахов  күршеләргә ТР Президенты Рөстәм Миңнехановның мөрәҗәгатен ирештерде һәм Универсиада көннәрендә кунакка чакырды.

- Греклар Олимпия уеннары белән тарихка керсә, татарлар Сабан туе белән билгеле, - дип башлады үз чыгышын Буа муниципаль районы башлыгы Азат Айзетуллов. - Без, 1922 елга кадәр Ульяновск губерниясе составында яшәгән буалылар, сезгә зур делегация белән шатланып, Буа районы һәм шәһәре халкының, хезмәтчәннәренең ничек яшәвен күр- сәтергә, дип килдек. Хез-мәттәшлегебезнең, дуслыгыбызның алга таба да ныгуын, һәрбарчагызга исән-лек телим. Ул милли-мәдәни автономиясенә телевизор тапшырды. Буалылар Сабантуйның иң күңелле өлешендә – балалар мәйданчыгында төрле бәйгеләрдә, гер күтәрүдә, армспортта, аркан тартуда җиңүчеләргә дә бүләкләр алып килгән иделәр. Иң яхшы көрәшүчегә дә муниципаль район башлыгы призы әзерләнде. Аңа Ульяновск өлкәсеннән Сергей Павлик ия булды. Өлкән яшьтәге юртаклар арасындагы заезд да район башлыгы призына үткәрелде. Төп приз Чуашстанга китте. Өченче-дүртенче урыннарны безнекеләр – “Тахаръял” агрофирмасының Юрий Кузьмин иярләгән Зачеты, дәүләт конюшнясының Мансур Мифтахетдинов җиккән Водопады яулады. Чабышкылар арасында да өченче-дүртенче булып “Тахаръял”дан Веселица белән Мрамор килделәр. Армспортта Флера Хәлимова белән Владимир Козлов абсолют батыр калдылар, яшь көрәшче-ләр дә җиңүләр яуладылар.

Кемдер буалылар мәлен белеп, оста көрәшә, дип нәкъ менә аларны күзә-тергә, кайберләре чын татар моңын ишетергә килде бирегә. Фирзәр Мортазинга, Ринат Рәхмәтуллинга, Фәния Исхаковага, Гөлгенә Галәветдиновага, Илсөяр Кузьминага, яшь җырчыларыбызга, “Гольфстрим” бию төркеменә озаклап алкышлады тамашачы.

– Алып баручылар Рөстәм Әхмәдуллин белән Нурия Гайнуллованың тавышлары да ял иттерә. Һәрберсенең киемнәре күз явын алырлык, - диләр күрше- ләребез. Буа кулланучылар җәмгыяте әзерләгән шашлык-пәрәмәчләр, чәкчәк-бармаклар да яхшы үтте. Хәер, ульянлылар үз- ләре дә кимен куймый.  Дистәләгән сәхнәдә җыр-бию тынмады, районнар  вәкилләре ишегалларында кунакларны кыстый-кыстый сыйладылар. Кыскасы,онытылмаслык мизгелләр күп булды.