Ранис Камартдинов район мәктәпләренең һәм балалар бакчаларының яңа уку елына әзерлеген тикшерде
Буа районында мәктәпләрнең һәм балалар бакчаларының яңа уку елына әзерлеген тикшерү бара. Район буенча барлыгы 77 объект. 3 комиссия формалаштырылган, аларның берсен район башлыгы Ранис Камартдинов шәхсән үзе җитәкли.
- Район мәктәпләренең һәм мәктәпкәчә учреждениеләрнең яңа уку елына әзерлеген тикшерәбез. Без Әлши авылындагы яңа балалар бакчасында булдык инде. Зур эш башкарылды, аның нәтиҗәләрен тиздән авылның яшь кешеләре һәм аларның әти-әниләре бәяли алачак. Беренче чиратта белем бирү учреждениеләренең куркынычсызлыгына, туклануны оештыруга, уку җиһазларының, китапханәләрнең, спорт залларының әзерлегенә, территорияне төзекләндерүнең торышына игътибар итәбез, - дип сөйләде район башлыгы.
Һәр объектта планлаштырылган ремонт эшләре башкарылган һәм учреждениеләр 2022-2023 уку елында балаларны каршы алырга тулысынча әзер диярлек.