Марат Садыйков һәм Марат Айзатуллин Буаның беренче сыйныф укучыларына мәктәп кирәк-яраклары салынган рюкзаклар тапшырдылар

2022 елның 26 августы, җомга

2 нче лицей укучылары "Мәктәпкә җыенырга ярдәм ит" акциясе кысаларында комплектланган рюкзаклар алдылар. Буа районы башлыгы Ранис Камартдинов, ТР сәламәтлек саклау министры Марат Садыйков, ТР төзелеш, архитектура һәм торак-коммуналь хуҗалык министры Марат Айзатуллин Буа Үзәк паркында беренче сыйныфка баручы 85 балага  мәктәп кирәк-яраклары куелган портфельләр тапшырдылар.

2022 елгы БДИ нәтиҗәләре буенча югары балл җыйган чыгарылышларны да  бүләкләделәр. Җитәкчеләр булачак студентларга үз сәләтләрен табарга һәм авырлыклар алдында бирешмәскә теләделәр.