Казан – Буа трассасында Карлы елгасы аша күпер төзекләндерелде

2022 елның 16 сентябре, җомга

Татарстанда эшчеләр Карлы елгасы аша 108 метр озынлыктагы күперне ремонтлауны төгәлләделәр. Ул Буа районында Р241 Казан-Буа – Ульяновск автомобиль юлының 110 чакрымында урнашкан.

«План-кисәтү эшләре корылма элементларының иртә тузу стадиясендә кимчелекләрне бетерергә, хәрәкәт иминлеген һәм корылманың ныклыгын тәэмин итәргә ярдәм итә», – диелә «Волго-Вятскуправтодор» матбугат хезмәте хәбәрендә.

Белгечләр деформация тегүләрен алыштырдылар, арадаш терәкләр өслеген торгыздылар.

Моннан тыш, алар юл коймасын, баскыч  урыннарын һәм чистарту корылмаларын яңарттылар.