Буа районы башлыгы "Казан Экспо" базасына мобилизацияләнгән буалылар белән очрашты һәм аларга район халкыннан гуманитар ярдәм тапшырды
Ранис Камартдинов хезмәт шартларын шәхсән үзе бәяләде һәм биредә әзерлек узучы мобилизацияләнгән буалылар белән аралашты.
- Ир-егетләребезнең урнашуын, туклануларын, кирәк-яраклары бармы-юкмы икәнлеген үз күзләрең белән күрү мөһим иде, - дип сөйләде Ранис Камартдинов. - Фикер алышканча, районда буалыларның актив катнашында акчалар җыю игълан ителде. Буалылар 50 мең сум тирәсе җыйган, 450 мең сумнан артык акчаны эшмәкәрләр биргән. Бу акчаларга без мобилизацияләнгәннәргә җылы эчке киемнәр, җылы оекбашлар һәм аларга кирәкле башка әйберләрне сатып алдык. Шулай ук гуманитар ярдәм җыю пункты да эшли, тәм-томнар һәм җылы әйберләр китерәләр. Егетләрнең кәефләре яхшы, корпусларда җылы, душ бар, яхшы ашаталар. Алардан ниләр борчыганны да сораштык. Нигездә, сораулар гаиләгә - өлкән яшьтәге ата-аналарга, хатыннарга һәм балаларга ярдәм итүгә кагылды. Буа районында мобилизацияләнгән барлык гаиләләр белән эш алып барыла,- дип ассызыклады район башлыгы.
Егетләр сөйләвенчә, аларның барысы да яхшы, кирәкле әйберләрне биргәннәр, алар барысы да үзләре белән. Ярдәм, кредит каникуллары турында шәхси сораулар бирделәр, үзләре кайтканчы, туганнарын карауларын сорадылар. Һәр сорау һәм үтенеч теркәлеп барды.
Ранис Камартдинов ир-егетләрнең яшәү шартлары, ашханә эше белән танышты, мобилизация буенча фикер алышты. Социаль челтәрләрдә, әгәр аның авырулары булса, мобилизацияләнгәнне ничек кайтарырга дигән сораулар килде. Районда медицина тикшерүе үткәрелмәгән, шуңа күрә туганнары борчыла. Җитәкчелек бу мәсьәләне түбәндәгечә шәрехләде: гражданның яраклылыгын хәрби-табиб комиссиясе билгели. Шул ук вакытта әгәр мобилизацияләнүченең сәламәтлеге белән проблемалары булса - аны госпитальгә җибәрәләр, анда нәтиҗә бирелә. Әгәр чыннан да хәрби хезмәткә туры килми торган авыруы бар икән, хәрби комиссар, министрлык вәкиле, оборона солдатны кайтару турында карар кабул итә.