Татарстан Росреестры «Пространство мәгълүматларының милли системасы» дәүләт программасы чараларын гамәлгә ашыруның барышы турында хәбәр итте
2022 елның ахырында-Татарстанның Пространство мәгълүматларының милли системасы тәҗрибә эксплуатациясенә керүе планлаштырыла.
Әлеге мәгълүмат Татарстан Республикасы территориясендә «пространство мәгълүматларының милли системасы «Бердәм цифрлы платформа» федераль дәүләт мәгълүмат системасын төзү чараларын гамәлгә ашыру мәсьәләләре буенча киңәшмәдә яңгырады. Чара Росреестр үзәк аппараты һәм Кадастр палатасы вәкилләре җитәкчелегендә Татарстан Росроеестры мәйданчыгында узды.
Хәзерге вакытта Татарстанда башкарма хакимиятнең региональ органнарының, җирле үзидарә органнарының мәгълүмат системаларының һәм башка мәгълүмат системаларының Пространство мәгълүматларының милли системасында интеграцияләнүе дәвам итә. Киңәшмә барышында пространство белешмәләренең бу катламнары хуҗаларында барлыкка килә торган агымдагы мәсьәләләр каралды.
Шулай ук киңәшмәдә катнашучыларга яңа цифрлы сервисларның («Гади җир», Төзелеш өчен җир», «Туризм өчен җир» һ.б.) эше турында мәгълүмат бирелде, алар кешеләр, бизнес һәм дәүләт мәнфәгатьләрендә булдырыла һәм «Пространство мәгълүматларының милли системасы» Бердәм санлы платформасына интеграцияләнәчәк.
Татарстан Росреестрында аңлатып үткәнчә, гражданнар һәм бизнес өчен җир кишәрлекләрен эзләү һәм бирү, җирләрдән файдалануны һәм торышын анализлау буенча эшләнгән сервислар һәм башка яңа сервислар реаль тормыш хәлләренә нигезләнгән клиент соравын хәл итәчәк һәм төбәк үзенчәлекләренә һәм административ регламентларга бәйле. Яңа платформа эшләгәндә 2021 елда кайбер төбәкләрдә, шул исәптән Татарстанда да, җир һәм күчемсез милек турында бердәм мәгълүмат ресурсы булдыру буенча эксперимент нәтиҗәләре кулланыла.
«Пространство мәгълүматларының милли системасы» төзү пространство мәгълүматларын берләштерергә һәм структуралаштырырга, аларның гражданнар, бизнес һәм дәүләт органнары өчен мөмкин булуын тәэмин итәргә мөмкинлек бирәчәк. Шуның аркасында җир һәм күчемсез милек турында комплекслы мәгълүматларны бер тәрәзә режимында оператив алу һәм нәтиҗәле идарә итү карарлары кабул итү коралы барлыкка киләчәк. Шул ук вакытта технологик процесслар үтә күренмәле, сыгылмалы һәм җайга салынулы булырга тиеш: физик яки юридик заттан күчемсез милек объектына хокукны теркәүгә кадәр гариза керүдән башлап», - дип шәрехләде Татарстан Росреестры җитәкчесе урынбасары Артем Костин.
Россия Федерациясе субъектларына дәүләт хакимияте региональ органнарының Росреестр һәм Кадастр палатасы белән нәтиҗәле хезмәттәшлеген тәэмин итү бурычы куелган. Пространство мәгълүматларының бердәм платфрлы платформасын формалаштыруга беренчеләрдән булып керешкән Татарстанда ул 2022 ел азагына барлыкка килер дип планлаштырыла.
Элегрәк Татарстан Республикасы Президенты Рөстәм Миңнеханов регионда «Пространство мәгълүматларының милли системасы» төзелешен хуплады һәм әлеге мәсьәлә буенча Росреестр белән хезмәттәшлекнең мөһимлеген билгеләп үтте:
«Росреестр хезмәтләре халык арасында иң кирәкле хезмәтләрнең берсе булып тора. Бүген Татарстан яңа стратегик проектны тормышка ашыруга актив кушылды һәм бу системаны төзүгә һәм үстерүгә ярдәм итә».
Белешмә өчен
«Пространство мәгълүматларының милли системасы» дәүләт программасы дүрт стратегик максатны хәл итә: илебездә геосистема тәэминаты булдыру һәм гамәлгә кертү, дәүләт хезмәтләрен циффрлаштыру, дәүләт хезмәтләре һәм сервисларының сыйфатын күтәрү, ЕГРН мәгълүматларының тулылыгын һәм сыйфатын тәэмин итү.