Салым ярдәменең барлык чаралары турында мобилизацияләнгәннәргә яңа промобиттә белергә мөмкин

Россия Федераль салым хезмәте сайтында промобит (https://www.nalog.gov.ru/rn77/mobilization/) эшләтеп җибәрелде, анда мобилизацияләнгән гражданнарга салымнар түләү һәм хисаплылык буенча мобиль нинди ташламалар турында җентекләп язылган.

Мәсәлән, алар өчен салым, җыемнар, иминият кертемнәре түләү, хисап бирү һәм мөрәҗәгатьләр бирү сроклары күчерелә. Аларга карата контроль чараларга мораторий да кертелгән. Россия валюта законнарының үтәлешен тикшерүләр уздыру туктатыла, Россиядән читтә финанс базары оешмаларында счетлар (кертемнәр) буенча, шул исәптән, түләүләрнең электрон чараларын кулланып, банк счеты ачылмыйча, счетлар (кертемнәр) буенча хисаплар тапшыру, шулай ук мондый банкларда счетлар (кертемнәр) ачу һәм аларның реквизитларын үзгәртү турында хәбәрләр тапшыру сроклары күчерелә. Барлык чаралар да мобилизацияләнгән хезмәт чорында һәм өченче ай тәмамланганчы гамәлдә була.

Салым ярдәме чаралары уңайлы булсын өчен блокларга бүленгән. Аларның һәрберсендә мәгълүмат максималь уңайлы тәкъдим ителгән теге яки бу чара атамасы булган бүлекчәләр бар: ул кемгә исәпләнгән һәм нинди срокларда бирелә торган ярдәм чараларының кыскача төп тезислары.

Әгәр кулланучыда нинди дә булса сораулар калса, ул Россия ФНСына махсус сервис ярдәмендә яки 8-800-222-22-22 телефоны буенча мөрәҗәгать итә ала.

Промобит (https://www.nalog.gov.ru/rn77/mobilization/) яңа норматив актлар кабул ителгәннән соң тулыланачак.