Буа муниципаль районы

Сезнең сораулар?

2013 елның 22 июле, дүшәмбе

“Республика клиник дәваханәсендә тикшеренү үтәргә, дип мөрәҗәгать иткәч, миңа 20 көнләп көтәргә куштылар. Моның билгеләнгән сроклары бармы икән?

И. ХАТЫЙПОВ.”

Сорауга ТР Мәҗбүри медицина иминиятләштерү территориаль фондының Буа шәһәрендәге филиалы директоры Илсур ГАРИПОВ җавап бирә:

- Сезгә Татарстанда гражданнарга түләүсез медицина ярдәме күрсәтү дәүләт гарантияләре Программасы белән танышырга киңәш итәм. Ул узган ел ахырында расланды. Әлеге документта түләүсез күрсәтелүче медицина ярдәменең төрләре, күләме, табиб консультациясен, диагностикалау тикшерүләрен көтү вакыты күрсәтелгән.

Табиб-белгечләрнең планлы консультацияләрен һәм диагностикалау тикшеренүләрен көтүгә 14тән күп булмаган көн билгеләнгән. Әгәр алар республика учреждениеләренең консультатив поликлиникаларында үткәрелсә, чират бер айдан да күп булмаган вакыт эчендә җитәргә тиеш. Аңлашылганча, Сезгә законлы срокларда көтәргә кушканнар. Ә менә планлы госпитализацияләүне чик көтү срогы пациентның мөрәҗәгать итү көненнән алып ике айдан да күбрәк вакытка сузылмаска тиеш.

Берочтан медицина хезмәт күрсәтүен сайлау турында да. Граждан медицина оешмасында, елга бер тапкырдан арттырмыйча, участок терапевтын, педиатрын, гомумпрактика табибын, фельдшерны, әлбәттә, белгечнең дә ризалыгын алып, сайлый ала. Медицина учреждениесе күрсәтелгән табибларның исемлеген, аларны сайлаган гражданнарның саны, өйдә медицина ярдәме күрсәткән очракта аның территориясе турында мәгълүматлаштырырга тиеш.

Оценить материал и/или оставить мнение

БАРЛЫК ЯҢАЛЫКЛАРНЫ УКУ