Буада рецидивистны банкоматны вату омтылышы өчен ирегеннән мәхрүм иткәннәр
Буа шәһәр прокуратурасы 36 яшьлек җирле кешегә карата җинаять эше буенча дәүләт гаепләвен хуплады. Суд аны РФ Җинаять кодексының 30 статьясының 3 өлеше, 158 статьясының 4 өлеше «б» пунктында каралган җинаять кылуда гаепле дип тапкан (аеруча зур күләмдә урлауга омтылу).
Судта 2020 елның 30 декабрендә Буа шәһәрендәге бер банкның үз-үзенә хезмәт күрсәтү зонасында гаепләнүченең, кадак сурдыргыч ярдәмендә банкоматны ачырга омтылуы ачыкланган. Әмма ул җинаятьчел ниятне сигнализация аркасында ахыргача җиткерә алмаган.
Милекче зыянны 2 млн сумнан артык бәяләгән.
Гаепле кеше үз гаебен танымый һәм акча урлауга нияте юк дип белдерә, ә кадак сурдыргыч ярдәмендә ул банк картасын чыгарырга тырыша.
Җинаятьләрнең кабатлануын исәпкә алып, суд ирне гомуми режимлы төзәтү колониясендә хезмәт итеп, 2,5 елга ирегеннән мәхрүм иткән.